کابل (پژواک، ٢٨ غبرګولى ٩٨): د کورنيو چارو وزارت وايي چې په کابل ښار کې د طالبانو د بريدونو يو مهم طراح د پوليسو له خوا نيول شوى دى.
د کورنيو چارو وزارت وياند نصرت رحيمي د غبرګولي په ٢٨مه پژواک خبري اژانس ته وويل چې د طالبانو دغه خطرناک غړى زمرى نومېږي چې د لوګر ولايت اصلي اوسېدونکى دى.
هغه زياته کړه چې نوموړى تېره ورځ د کابل ښار په اوومه ناحيه کې د پوليسو له خوا نيول شوى او اوس تر پلټنو لاندې دي.
رحيمي وايي چې نيول شوى کس په کابل کې د بريدونو طراح و او د راتلونکو بريدونو لپاره يې اسانتياوې برابرولې.
د نوموړي په وينا، زمرى له يو شمېر اسنادو، لاسي بمونو، وسلو او مهماتو سره نيول شوى دى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن