د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د نفوس ډېروالی، د سړکونو خرابوالی او زاړه موټر د چاپېريال ککړتيا عمده لاملونه دي"

"د نفوس ډېروالی، د سړکونو خرابوالی او زاړه موټر د چاپېريال ککړتيا عمده لاملونه دي"

Jun 20, 2019 - 15:59

 مزارشريف (پژواک، ۳۰ غبرګولی ۹۸): د چاپېريال ساتنې ادارې مسوولين وايي چې د چاپېريال پاکوالي ته د خلکو متوجه کولو په موخه د عامه پوهاوي پر پروګرامونو باندې کار کوي.

د يادې ادارې مرستيال محمد يوسف حميديار د غبرګولي په ۳۰مه په مزارشريف کې د چاپېريال ساتنې اوونۍ نمانځلو په غونډه کې وويل چې خلک هم بايد د هوا د ککړتيا په مخنيوي کې ونډه واخلي.

نوموړي پژواک ته وويل چې بلخ ته د سفر يوه موخه يې دا ده څو له دې لارې د چاپېريال پاک ساتلو ته د خلکو پام اړولو په موخه د عامه پوهاوي زمينه برامنځته شي.

هغه زياتوي چې غير پلاني انکشاف، په ښارونو کې د نفوس زياتوالی، د زړو وسايطو استعمال او د خامه سړکونو خرابوالی د هوا او چاپېريال د ککړتيا عمده لاملونه دي.

د حميديار په وينا، که د ښارونو هر اوسېدونکی د چاپېريال د ککړتيا لامل نه شي، نو دا به د هوا له پاکوالي سره لويه مرسته وي.

نوموړي دا هم وويل چې په نړيواله کچه د اقليم بدلون هم په افغانستان کې پر چاپېريال باندې منفي اغېز کړی دی.

د چاپېريال ساتنې ادارې مرستيال زياته کړه چې يو شمېر ولايتونو لکه کابل، ننګرهار، بلخ، کندهار او هرات ته يې د هوا د سنجش وسايل استولي او ځينو ته يې هم د لېږلو په حال کې دي.

هغه وايي سره له دې چې د کابل په ګډون د افغانستان په لويو ښارونو کې د هوا ککړتيا مقطعي وي خو په ټوله کې يې زيانونه ډېر زيات دي.

نوموړي له روغتيا وزارته غوښتنه وکړه چې هر کال په افغانستان کې د ککړې هوا او ناسم چاپېريال له امله د مړه شوو افغانانو دقيق شمېر په ډاګه کړي.

د بلخ د چاپېريال ساتنې ادارې رييس غلام نبي خرمي پژواک ته وويل چې د هوا ککړتيا يو ستر لامل په هېواد کې د تېرو څلورو لسيزو جګړې دي.

د هغه په خبره، په مزارشريف کې د ډبرو سکرو د خرڅلاو غير قانوني مارکېټونه، په ناقانونه ډول د لوړو ودانيو، رستورانتونو او حمامونو جوړول او همدا راز د ښاري فرهنګ نه مراعتول هم د هوا د ککړتيا برخه کې منفي اغېز لري.

نوموړی وايي چې دمګړۍ په مزارشريف ښار کې زيات شمېر حمامونه په غير قانوني ډول جوړ شوي چې دا خپله د چاپېريال په ککړتيا کې مهم رول لوبوي.

 

نښه: 

ورته راپورونه:

نظر ورکړئ

اعلانونه

Advertisement