د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ټرمپ : په افغانستان کې خپل ځواکونه کموو

ټرمپ : په افغانستان کې خپل ځواکونه کموو

Jun 22, 2019 - 15:22

 

کابل (پژواک، د چنګاښ لومړۍ نېټه ٩٨) : د امريکا ولسمشر ډونالد ټرمپ وايي چې ډېر ژر به په افغانستان کې د امریکايي سرتېرو شمېر له اوسنیو نهو زرو څخه اتو زرو ته کم کړي .

ټرمپ له ټایم مجلې سره په خپله مرکه کې ويلي چې په افغانستان کې چارې پرسم لوري روانې دي.

هغه زياته کړې،  په افغانستان کې ښې خبرې پېښېدونکې دي، داعش ډله ځپل شوې، نو ځکه د امریکايي ځواکونو شمېر چې یو ځل مخکې له ١٦ زرو ٩ زرو ته ټیټ شوی و، اوس به  ٨ زرو ته راټیټ شي.

امریکايي ځواکونه  اوس مهال افغان سرتېري چې د پوځي عملیاتو مشري کوي، روزي او سلا مشورې ورکوي.

دامريکا ولسمشر دا څرګندونې په داسې حال کې کړې دي چې په قطر کې د امريکا او طالبانو ترمنځ د خبرو اترو اووم پړاو راتلونکو ورځو کې پيليږي .

سرچينې وايي چې د امريکا ځانګړي استازي زلمي خليلزاد په قطر کې له طالبانو سره غير رسمي خبرې اترې پيل کړې دي.

د سرچينو د معلوماتو له مخې، طالبان له امريکا څخه د ځواکونو د وتلو دکره مهال وېش د اعلانولو غوښتنه کوي، خو امريکا ددې لپاره شرطونه ايښي دي.

دې خبرو اترو ته نږدې سرچينې وايي چې امريکا، له هر  اړخيزه اوربند، د تاوتريخوالي کمولو او له  ثبات وروسته د خپلو ځواکونو د وتلوکره مهالوېش اعلانوي.

نښه: 

ورته راپورونه:

نظر ورکړئ

اعلانونه

Advertisement