د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سمنګان په دره صوف کې د ډبرو سکرو کانونو ۲۷ سلنه عواید کم شوي دي

د سمنګان په دره صوف کې د ډبرو سکرو کانونو ۲۷ سلنه عواید کم شوي دي

Jun 23, 2019 - 19:56

ایبک (پژواک، ۲ چنګاښ ۹۸): د سمنګان په دره صوف بالا ولسوالۍ کې د ډبرو سکرو د دوو کانونو عایدات په وروستیو شپږو میاشتو کې د تېر کال د همدې مودې په پرتله له ۲۷ سلنه کموالي وروسته یو میلیارد او ۹۵ میلیونه افغانیو ته رسېدلي دي. 

د سمنګان د ډبرو سکرو د څانګې امر برهان الدین باهر، پژواک خبري اژانس ته وویل چې د روان مالي کال په شپږو میاشتو کې د یاد ولایت په دره صوف بالا ولسوالۍ کې د ډبرو سکرو له دوو کانونو (شباشک او دهنه تور) څخه تر یو میلیارد او ۹۵ میلیونو افغانیو ډېر عایدات لاسته راغلي دي، چې د تېر کال د ورته وخت په نسبت ۳۹۷ میلیونه او ۵۰۰ زره افغانۍ کموالی ښيي.

هغه د دره صوف - مزار او دره صوف – ایبک لارو په اوږدو کې د امنیت نه شتون د دغو دوو کانونو د عایداتو د کموالي عامل په ګوته کړ او ويې ویل چې د دې لارو په اوږدو کې ناامني او دغه راز د ډبرو سکرو لپاره د تقاضا تر کموالي وروسته د کانونو په را ایستلو کې کمښت راغلی دی.

د راپورونو له مخې، په یادو کانونو کې شاوخوا ۱۰ زره تنه کار کوي.

باهر وویل، د دې ولسوالۍ د درې نورو کانونو (ګرمک غربي، ګرمک شرقي او رشک) په یادو عایداتو کې شامل نه دي؛ ځکه چې دغه درې کانونه د کانونو وزارت له خوا خصوصي سکتور ته په اجاره ورکړل شوي دي.

 

نښه: 

ورته راپورونه:

نظر ورکړئ

اعلانونه

Advertisement