د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

کندوز کې یوه سرتېري د پولیسو یو قوماندان وژلی

کندوز کې یوه سرتېري د پولیسو یو قوماندان وژلی

Jun 23, 2019 - 14:19

کندوز ښار (پژواک، ٢ چنګاښ ٩٨): د کندوز په امنيې قوماندانۍ کې دننه د يوه پوليس له لوري د ګرځنډه ټولي قوماندان پر ډزو وژل شوى دى.

د اړوندې موضوع په اړه د کندوز د امنيې قوماندانۍ وياند سرور حسيني د چنګاښ په دويمه پژواک خبري اژانس ته وويل چې نن له غرمې مخکې په قوماندانۍ کې دننه د ګرځنډه ټولي د قوماندان سمونيار وهاب او د همدې ټولي د غړي ساتمن واجد ترمنځ لفظي شخړه شوې ده.

هغه وايي: ((له لفظي شخړې وروسته واجد پر قوماندان ډزې کړې چې لومړى ټپي شوى او وروسته يې بيا روغتون کې ساه ورکړې ده.))

ده وويل چې واجد له قوماندانۍ په تېښته بريالى شوى خو پوليسو يې د نيولو هڅې پيل کړې دي.

دغه راز يوې بلې امنيتي سرچينې پژواک ته وويل: ((د امنيه قوماندان په لس مترۍ کې دغه پېښه وشوه يو صاحب منصب ووژل شو او قاتل له سيمې په تېښته بريالى شو.))

بل لور ته د افغان دولت وسله والو مخالفينو تر اوسه په دې اړه څه نه دي ويلي.

د يادونې ده، څو مياشتې وړاندې يو بل کس د کندوز په امنيې قوماندانۍ کې دننه د خپل پلار د جنازې د نه انتقال په غبرګون کې ځان وژنه وکړه.

ورته راپورونه:

نظر ورکړئ

اعلانونه

Advertisement