د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کونړ سيند پر غاړو د يو ميليارد افغانيو په لګښت استنادي دېوالونه جوړېږي

د کونړ سيند پر غاړو د يو ميليارد افغانيو په لګښت استنادي دېوالونه جوړېږي

Jun 25, 2019 - 19:13

اسعداباد(پژواک، ٤ چنګاښ ٩٨): د کليو پراختيا او بيا رغونې وزارت د کونړ سيند پر غاړو د استنادي دېوالونو جوړولو کار پيل کړ.

د کليو پراختيا وزير مجيب الرحمن کريمي د غبرګولي په ٢٨مه د دغې پروژې د تړون د لاسليک پر مهال وويل په پام کې ده چې د کونړ سيند پر غاړو د څه باندې يو ميليارد افغانيو په لګښت ٤٠ کيلومتره استنادي دېوال جوړ شي چې ورسره به ٣٦٠٠ هکتاره شاړه مځکه په کرنيزه مځکه بدله شي.

خو هغه وويل چې د ننني تړون له مخې به د شاوخوا ٢٩٠ ميليونه افغانيو په لګښت د اوس لپاره لس کيلومتره استنادي دېوال جوړ شي او پاتې نور به يې راتلونکې کال جوړ کړل شي.

د کونړ والي عبدالستار میرزکوال وايي چې د ياد ٤٠ کيلومتره دېوال په جوړېدو سره به د دغه ولایت سرکاڼو، نرنګ، خاص کونړ، څوکۍ او نورګل ولسوالیو کې پنځه زره دوه سوه هکتاره ځمکه اوپه سلګونه د استوګنې کورنه د اوبو له ګواښه خلاص شي.

دی زياتوي، حکومت د کونړ سیند د مهاریدو او پرې د برېښنا کوټونو د جوړیدو لپاره اقدامات پېل کړي او د مرکز اسعداباد څخه د نورګل ولسوالۍ پورې د سیند دواړه خواوې مهار کړي.

د کلیوپراختیا اوبیا رغونې وزیر مجیب الرحمن کریمي وايي دغه ديوالونه به د ولس د لس سلنې ونډې له لرلو سره په دوو پړاونو کې بشپړ شي.

دی زياتوي، دغه پروژه د دولت د بودیجې څخه چې یو میلیارد افغانۍ دي جوړیږي او شاوخوا کسانو ته به کاري زمينه برابره شي.

کریمي زیاته کړه پدې پروژه کې به د لس څخه تر پنځلس زره پورې خلکو ته د کار زمینه برابره شي.

د کونړ ولایتي شورا منشي جمالدین سیار له حکومتي چارواکو غوښتل چې دغه پروژه په بشپړ ډول پلي کړي.
د کونړ د سرکاڼو ولسوالۍ اوسیدونکي خان باچا وايی چې د دې دېوالونو په جوړېدو سره به کرنیزې ځمکې او کورونه يې د سیند د ګواښ څخه خلاصې شي.

نښه: 

ورته راپورونه:

نظر ورکړئ

اعلانونه

Advertisement