د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني ښار کې د هدفي وژنو په تور يو کس نيول شوى

غزني ښار کې د هدفي وژنو په تور يو کس نيول شوى

Jun 25, 2019 - 15:38

غزني ښار(پژواک، ٤ چنګاښ ٩٨): د غزني امنيه قوماندان وايي، پوليسو هغه کس نيولى چې تر اوسه يې څو تنه په بې غږه تومانچې وژلي دي.

د غزني امنيه قوماندان سمونوال خالد وردګ د چنګاښ په څلورمه د يوې خبري غونډې پرمهال وويل، دغه کس محمد جان نوميږي چې د غزني ښار د کلا سبز د صرافيو له مارکېټ څخه نيول شوى دى.

قوماندان وايي: ((له بې غږه تومانچې سره يوځاى مو نيولى د ډېرو کسانو په وژلو کې يې لاس درلوده.))

د وردګ په وينا، له ياد شوي کس څخه څېړنې رواني دي ترڅو نور ملګري يې هم ونيول شي.

خو خپله محمد جان پژواک ته وويل: ((زه د چا په وژلو کې لاس نه لرم، طالبانو راته دغه تومانچه راکړه چې په ښار کې يې يو بل چا ته تسليم کړم.))

د غزني پوليسو دغه کس ته د نورو خبرو کولو اجازه ور نه کړه.

دا په داسې حال کې ده  چې د تېرې يکشنبې په ورځ په غزني ښار کې د ژوند ټولنې مشر نقيب الله خاکسار او د ملي امنيت يو کارکوونکى په بې غږه تومانچو ووژل شول.

د يادونې ده چې په دې وروستيو کې يو ځل بيا په غزني کې هدفي وژنې ډېرې شوي چې خلک يې سخت اندېښمن کړي دي.

نښه: 

ورته راپورونه:

نظر ورکړئ

اعلانونه

Advertisement