د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

واقف حکیمي، جاوېد جیحون او میرافغان صافی د ولسي جرګې ریاست ته نوماند شول

واقف حکیمي، جاوېد جیحون او میرافغان صافی د ولسي جرګې ریاست ته نوماند شول

Jun 25, 2019 - 13:19

کابل (پژواک،٤ چنګاښ ۹۸): د بدخشان د خلکو استازی عبدالشکور واقف حکیمي، د کابل د خلکو استازي جاوېد جیحون او قاضي میر رحمان افغان صافی د ولسي جرګې د ریاست څوکۍ ته نوماند شول.

ټاکل شوې یاد درې نوماندان به هر یو په پنځو دقیقو کې د جرګې غړو ته خپل پروګرامونه وړاندې کړي او وروسته به ورته د رایې صندوقونه کېښودل شي.

د ولسي جرګې د ریاست تېرې ټاکنې د کمال ناصر اصولي او میررحمان رحماني ترمنځ ترسره شوې خو پایله یې ځکه روښانه نه شوه چې د جرګې غړو د ټاکنو په ورځ ددې جرګې د نصاب په اړه اختلاف درلود، ځینو ۲۴۴ کسان او یو شمېر نورو بیا ۲۴۷ کسان بلل.

که د ولسي جرګې د ټاکنو د ورځې نصاب ۲۴۴ کسان وای بریالي نوماند ۱۲۳ رایو ته اړتیا لرله، خو که نصاب ۲۴۷ کسان شوي وای بریالي نوماند باید ۱۲۴ رایې ترلاسه کړې وای.

رحماني د ټاکنو په ورځ ۱۲۳ رایې تر لاسه کړې وې خو پلویانو یې ویل چې د نوموړي یوه رایه د موقت رییس له خوا باطله اعلان شوې چې په اصل کې باطله نه وه، خو د جرګې نورو غړو بیا دغه رایه باطله ګڼله.

خو تېره ورځ د جرګې ډېری غړو ددې جنجالي رایې د باطل ګڼلو په اړه رایې ورکړې.

 د ولسي جرګې غړي او ددې جرګې د نننۍ ناستې موقت مدیر عالم ساعي د پایلو تر اعلان وروسته وویل، هېڅ نوماند ( میر رحمان رحماني او کمال ناصر اصولي) نه دي بریالي شوي.

تېره ورځ پرېکړه وشوه چې نن (سه شنبه) به د ریاست څوکۍ د نوو نوماندانو تر منځ ټاکنې وشي.

 په همدې اساس، نن د بدخشان د خلکو استازى عبدالشکور واقف حکیمي او د کابل د خلکو استازي جاوېد جیحون او میر افغان صافی د ولسي جرګې د ریاست څوکۍ ته نوماند شول.

 د یاونې ده چې د ننګرهار د خلکو استازی ملک قیس نوراقا ملکزی د تېرې ورځې په ناسته کې د ولسي جرګې موقت رییس ټاکل شوی دی.

نښه: 

ورته راپورونه:

نظر ورکړئ

اعلانونه

Advertisement