د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کندهار کې د ښځو د ستونزو د حل په موخه مشورتي بورډ جوړ شو

په کندهار کې د ښځو د ستونزو د حل په موخه مشورتي بورډ جوړ شو

Jun 26, 2019 - 18:50

کندهار (پژواک، ۵ چنګاښ ۹۸): د کندهار ولایتي ادارې د ښځو د ستونزو د حل په موخه مشورتي بورډ جوړ کړ.

په دې تړاو نن په ولایت مقام کې غونډه جوړه شوې وه چې د کندهار والي حیات الله حیات، د ښځو چارو رییسې رقیې اڅکزۍ، ښځینه مدني فعالانو او نورو ښځو په کې ګډون کړی وو.

په غونډه کې د مشورتي بورډ پر جوړښت، فعالیتونو او پلانونو خبرې وشوې.

د کندهار والي حیات الله حیات وویل، ولایتي اداره هڅه کوي ښځو ته د خدماتو وړاندې کولو په برخه کې اسانتیاوې ډېرې کړي.

هغه زیاته کړه، د ښځو د مشورتي بورډ د جوړولو موخه دا ده چې د ښځو ستونزې وڅېړل شي او حل لارې ورته وموندل شي.

د ده په خبره، له دې لارې به وکولای شي ښځو ته ډېرې کاري زمینې برابرې کړي او د کوچنیو، منځنیو او لویو پانګونو له لارې اړو ښځو ته اقتصادي سرچینې وموندل شي.

د ښځو چارو رییسې رقیې اڅکزۍ وویل، د دغه بورډ له لارې به ښځې وکړای شي د منظم مدني نظارت په موخه له ولایتي ادارې سره په رضاکار ډول همکاري وکړي.

هغې دغه راز زیاته کړه چې دغه مشورتي بورډ به له ښځو سره د تاوتریخوالي د مخنیوي او د هغوی د حقونو د ورکړې په برخو کې هم مهم رول ولوبوي.

د کندهار یوې ښځینه مدني فعالې ډاکټر فهیمې رحمتي د دې ګام هر کلی وکړ او ویې ویل مشورتي بورډ کولای شي ښځې په دولتي ادارو کې کار کولو ته وهڅوي او دغه راز د ښځو د لاسي صنایعو لپاره بازار ومومي.

د غونډې په پای کې پرېکړه وشوه چې په راتلونکې غونډه کې به د مشورتي بورډ د مشرۍ، مرستیالۍ او منشي توب لپاره وړ مېرمنې وټاکل شي او وروسته به په منظمه توګه غونډې جوړوي.

نښه: 

ورته راپورونه:

نظر ورکړئ

اعلانونه

Advertisement