ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ولسمشر غني په دوه ورځني رسمي سفر اسلام اباد ته ولاړ

ولسمشر غني په دوه ورځني رسمي سفر اسلام اباد ته ولاړ

author avatar
27 Jun 2019 - 08:39
ولسمشر غني په دوه ورځني رسمي سفر اسلام اباد ته ولاړ
author avatar
27 Jun 2019 - 08:39

کابل (پژواک، ٦ چنګاښ ٩٨): ولسمشر اشرف غني د يوه لوړ پوړي پلاوي په مشرۍ نن سهار په دوه ورځني رسمي سفر د پاکستان پلازمېنې اسلام اباد ته رسېدلى دى.

له ارګه د چنګاښ په ٦مه په يوه خپره شوې خبرپاڼه کې راغلي، ولسمشر غني به په دغه سفر کې چې د پاکستان د لومړي وزير عمران خان په رسمي بلنه ترسره کېږي، د سيمه ييز اتصال، سوداګرۍ، ترانزيټ، امنيت او سولې په اړه د یاد هېواد له چارواکو سره هر اړخيز بحثونه ولري.

ارګ د دغه سفر په اړه نور جزئيات نه دي خپاره کړي، خو د پاکستان د بهرنيو چارو وزارت ويلي چې هغه به د پاکستان له ولسمشر عارف علوي سره تر ځانګړې ليدنې وروسته د پاکستان له لومړي وزير سره د حکومتونو په کچه پر بېلابېلو موضوعاتو خبرې وکړي.

سرچينې زياته کړې چې ولسمشر به د سفر په دويمه ورځ د پاکستان د پنجاب ايالت مرکز لاهور ښار ته ولاړ شي او هلته به د سوداګرو يوې غونډې ته د وينا تر څنګ په مشهور بادشاهي جومات کې د جمعې لمونځ هم ادا کړي.

له ولسمشر اشرف غني سره په دغه سفر کې د کابينې وزيران، سلاکاران، سياسي کسان او ملي سوداګر ملتيا کوي.

د يادونې ده، تېره مياشت د پاکستان لومړي وزير عمران خان په يوه ټيلېفوني اړيکه کې ولسمشر غني ته د سفر رسمي بلنه ورکړې وه.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.