د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کابل کې د سرو زرو بیې نږدې پنځه سلنه لوړې شوې دي

په کابل کې د سرو زرو بیې نږدې پنځه سلنه لوړې شوې دي

Jun 29, 2019 - 11:57

 

کابل (پژواک، ٨ چنګاښ ٩٨): نن په کابل کې د تېرې شنبې په پرتله د سرو زرو بیې لوړې شوې خو د قزاقي اوړو او غوړیو بیې لږ ټيټې شوې دي.

د حاجي فواد احمد صالح زاده په نوم د کابل ښار د تېمورشاهي واټ یوه زرګر پژواک خبري اژانس ته وویل، نن د تېرې شنبې په پرتله د یو ګرام ۷۵۰ عیار عربي سرو زرو بیه  له ٢٧٥٠ افغانۍ څخه ٢٩٠٠ او د یو ګرام ۵۸۵ عیاره روسي سرو زرو بیه له ٢٣٠٠ افغانۍ څخه ٢٤٠٠ افغانیو ته لوړه شوې ده.

نوموړي زیاته کړه، د سرو زرو بیې په نړیوالو بازارونو کې تر لوړېدو وروسته د کابل ښار په بازارونو کې هم لوړې شوې دي.

خو د قزاقي اوړو او مایع غوړیو بیې لږ ټيټې شوې دي.

د کابل ښار د خوراکي توکو سوداګرو د ټولنې رییس محمد همایون پژواک خبري اژانس ته وویل، نن د تېرې شنبې په پرتله په عمده توګه د ۴۹ کیلوګرامه قزاقي اوړو بیه له ١٥٠٠ څخه ١٤٧٠ افغانۍ ته، د ۱۶ لېتره خورشید غوړیو بیه له ١١٠٠ څخه ١٠٨٠ افغانۍ ته را ټيټې شوې دي.

خو د ده په خبره، نن لکه د تېرو ورځو په څېر د ۴۹ کیلوګرامه پاکستانۍ بورې بیه ۲۰۴۰ افغانۍ، ۲۴ کیلوګرامه لومړۍ سېله پاکستانۍ وریجې په ۲۲۰۰ افغانۍ، یو کیلوګرام شین اندونيزیايي چای په ۳۰۰ افغانۍ او د یو کیلوګرام تور افریقايي چای بیه ۳۲۰ افغانۍ ده.

د یو شمېر توکو پرچون او عمده بیې په ځينو مواردو کې لږ خو په ځینو کې ډېر توپیر لري.

د احمد صمیم په نوم د تایمني د ۱۳ سړک د خوراکي توکو یوه پلورونکي وویل، نن د ۵۰ کیلو ګرامه قزاقي اوړو پرچون بیه ١٥٣٠ افغانۍ، د ۴۹ کیلوګرامه پاکستانۍ بورې بیه ٢١٠٠ افغانۍ، د ۲۴ کیلوګرامه لومړۍ سېله پاکستانۍ وریجو بیه ٢٥٠٠ افغانۍ، د ۱۶ لېتره خورشید غوړیو بیه ١١٥٠ افغانۍ، د یوه کیلو شنه اندونیزیايي چاي بیه ٣٢٠ افغانۍ او یو کیلو تور افریقايي چای په ٣٦٠ افغانۍ پلورل کېږي.

د سون توکو بیو تغییر نه دی کړی.

د کابل ښار د وزیر اباد د تېلو ټانک یوه کارکوونکي عبدالهادي پژواک خبري اژانس ته وویل، نن د تېرې شنبې په څېر د یو لېتر پټرولو بیه ٥٢ افغانۍ او یو لېتر ډېزل په ۴۹ افغانۍ پلورل کېږي.

دغه راز د کابل ښار د تایمني د څلورم سړک یوه ګاز پلورونکي محمد اکرام وویل، نن د تېرې شنبې په څېر یو کیلو مایع ګاز په ٦٥ افغانۍ پلورل کېږي.

د کابل د شهزاده سرای د صداقت صرافۍ مالک حاجي میرحسن وویل، نن د یوه امریکايي ډالر ارزښت ٨١.٥٠ افغانۍ او زر پاکستانۍ کلدارې په ۵۰۵ افغانۍ بدلېږي.

د چنګاښ په لومړۍ ڼېټه د یوه امریکايي ډالر بیه ٨٠.٧٠ افغانۍ وه او رز پاکستانۍ کلدارې په ۵۲۳ افغانیو بدلېدلې.

ورته راپورونه:

نظر ورکړئ

اعلانونه

Advertisement