د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

نن هم د ولسي جرګې اداري پلاوي څلورو څوکیو ته هېڅ نوماند بریالی نه شو

نن هم د ولسي جرګې اداري پلاوي څلورو څوکیو ته هېڅ نوماند بریالی نه شو

Jul 01, 2019 - 16:48

کابل (پژواک، ١٠ چنګاښ ۹۸): د ولسي جرګې غړو نن په ټوله کې د لومړي نایب، دویم نایب، منشي او نایب منشي د څوکیو لپاره نهه نوماندانو ته رایې ورکړې خو هېڅ یو بریالی نه شو او ټاکل شوې سبا د نوو نوماندانو تر منځ ټاکنې وشي.

د غويي په ۲۸ مه د ملي شورا د اوولسمې دورې له پرانیستې وروسته په درې پړاو ټاکنو کې چې د جرګې غړو یې په اړه مخالفت کړی وو میر رحمان رحماني ددې جرګې رییس وټاکل شو.

تېره ورځ د لومړي نایب څوکۍ لپاره درې کسان، د دویم نایب څوکۍ لپاره دوه کسان، د منشي څوکۍ لپاره څلور کسانو او د نایب منشي څوکۍ لپاره هم درې کسان نوماند وو، خو هېچا ۵۰ جمع یو رایې پوره نکړې.

نن د دویم نایب څوکۍ لپاره د دوو نوو نوماندانو (غلام حسین ناصري او همایون شهیدزاده) خو د درېیو نورو څوکیو لپاره د مخکنیو دوو ــ دوو مخکښو نوماندانو ترمنځ ټاکنې ترسره شوې.

د ولسي جرګې په نننۍ ناسته کې ۲۳۶ کسان حاضر وو او هر نوماندان باید د بریالیتوب لپاره ۱۱۹ رایې ترلاسه کړې وای.

نن د لومړي نایب څوکۍ لپاره د تېرې ورځې د ټاکنو دوو مخکښو نوماندانو (نجیب الله ناصر او محمد عالم ساعي) ټاکنې ترسره شوې.

په دې ټاکنو کې ناصر د ۱۰۹ تایید رایو او ساعي د ۸۶ تایید رایو په ترلاسه کولو ونه توانېدل چې د بریالیتوب لازمې رایې ترلاسه کړي. ټاکل شوې سبا د لومړي نایب څوکۍ لپاره د دوو نوو نوماندانو ترمنځ ټاکنې وشي.

دغه راز نن د دویم نایب څوکۍ لپاره د غلام حسین ناصري او همایون شهیدزاده ترمنځ ټاکنې ترسره شوې چې په ناصري د ۹۸ تایید رایو او شهیدزاده د ۱۱۳ تایید رایو په ترلاسه کولو بریالي نشول چې ۵۰ جمع یو رایې ترلاسه کړي او ټاکل شوې سبا ددې څوکۍ لپاره د نوو نوماندانو ترمنځ ټاکنې ترسره شي.

په همدې ترتیب د ولسي جرګې په نننۍ ناسته کې د منشي څوکۍ لپاره د تېرې ورځې د دوو مخکښو نوماندانو (عظیم الله کبرزايي او اسدالله شهباز) ترمنځ ټاکنې وشوې خو شهباز د ۱۰۶ تایید رایو او کبرزايي د ۹۱ تایید رایو په ترلاسه کولو ونه توانېدلو چې د بریالیتوب لازمې رایې ترلاسه کړي.

د دې څوکۍ لپاره هم سبا د دوو نوو نوماندانو ترمنځ ټاکنې ترسره کېږي.

دغه راز وکیلانو نن د نایب منشي څوکۍ لپاره د تېرې ورځې دوو مخکښو نوماندانو (عرفان الله عرفان او فریده حمیدي) ته رایې ورکړې.

د ټاکنو د پایلو پر اساس، عرفان د ۱۰۳ تایید او حمیدي د ۸۰ تایید رایو په ترلاسه کولو ونه شو کولای چې ۵۰ جمع یو رایې ترلاسه کړي او سبا به د دې څوکۍ لپاره د نوو نوماندانو ترمنځ ټاکنې ترسره کېږي.

د ولسي جرګې رییس میر رحمان رحماني د جرګې له غړو وغوښتل چې که غواړي یادو څوکیو ته نوماند شي خپل غوښتنلیکونه دې وړاندې کړي.

ورته راپورونه:

نظر ورکړئ

اعلانونه

Advertisement