د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

فراه کې چاودنو اووه پولیس او درې ماشومان وژلي

فراه کې چاودنو اووه پولیس او درې ماشومان وژلي

Jul 06, 2019 - 14:01

 

فراه (پژواك، ١٥ چنګاښ ٩٨): د فراه په پشترود ولسوالۍ کې د ماین چاودنې اووه پولیس وژلي دي، بلخوا د دغه ولایت په پرچمن ولسوالۍ کې یوې بلې چاودنې د ښوونځي درې زده کوونکي وژلي دي.

د فراه د امنیې قوماندانۍ مرستیال وحید ثبات پژواک خبري اژانس ته وویل، تېره ورځ ماښام داسې مهال اووه پولیس ووژل شول چې د پشترود ولسوالۍ په ګجګین کلي کې یې هاموې موټر د سړک غاړې پر ماین ور برابر شو.

د یادې چاودنې مسوولیت وسله والو طالبانو منلی دی.

د یو بل خبر له مخې، نن سهار د پرچمن ولسوالۍ په قیصار کلي کې د ښوونځي درې زده کوونکي په یوه چاودنه کې وژل شوي دي.

د فرید احمد په نوم د سیمې یوه اوسېدونکي پژواک خبري اژانس ته وویل، ماین د یاد کلي د سړک پر غاړه اېښودل شوی و.

د ده په خبره، یاد ماشومان د قیصار کلي لومړني ښوونځي ته پلي روان وو چې د ماین چاودنه پرې وشوه.

هغه زیاته کړه، په وژل شوو ماشومانو کې یو د دویم او دوه نور د درېیم ټولګي زده کوونکي وو.

امنیتي چارواکو تر اوسه په دې اړه څه نه دي ویلي او د یادې چاودنې مسوولیت هم تر اوسه چا نه دی منلی.

ورته راپورونه:

نظر ورکړئ

اعلانونه

Advertisement