د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د غزني په موټربم برید کې ١٢ کسان وژل شوي او ١٧٧ نور ټپيان دي

د غزني په موټربم برید کې ١٢ کسان وژل شوي او ١٧٧ نور ټپيان دي

Jul 07, 2019 - 10:15

 

درېيم تعقيب- غزني ښار (پژواک، ١٦ چنګاښ ٩٨): په غزني ښار کې د ملي امنيت پر يوې حوزه موټربم چاودنه کې د ملکي وګړو په ګډون ١٢ تنه وژل شوي او شاوخوا ١٧٧ نور ټپيان دي.

د غزني ښار يوه اوسېدونکي رحيم الله د چنګاښ په ١٦مه پژواک خبري اژانس ته وويل چې نن سهار شاوخوا اته نيمې بجې د غزني ښار په شاه مير سيمه کې د ملي امنيت پر يوه مرکز د موټربم درنه چاودنه شوې ده.

هغه وايي چې د دې چاودنې له امله په همدې سيمه کې د شاه مير لېسې ښيښې ماتې شوې چې يو شمېر زده کوونکي يې هم ټپيان کړي دي.

د رحيم الله په خبره، په دې پېښه کې ښايي تلفات هم وي خو تر اوسه یې په اړه کره معلومات نشته.

د غزني د والي ویاند محمد عارف نوري پژواک ته وویل، دغه چاودنه د ملي امنیت پر یوه مرکز شوې ده.

هغه وايي چې په یاده چاودنه کې څلور ملکي وګړي او اته امنيتي سرتېري وژل شوي او ١٧٧ کسان ټپيان دي.

ده وويل، ډېری ټپیان ملکي وګړي او د ښوونځي زده کوونکي دي.

هغه زياته کړه چې په دې پېښه کې ٦٠ کورونه او څلور مارکېټونه سخت زيانمن شوي دي.

دغه راز د غزني د ولايتي روغتون رييس ډاکټر باز محمد همت پژواک ته وويل چې له يادې چاودنې ورته ٩٦ ټپيان او شپږ جسدونه انتقال شوي دي.

ده وويل چې په ټپيانو کې ٣٦ ماشومان، پنځه ښځې، اته امنيتي سرتېري او پاتې نور نارينه دي.

هغه زياته کړه چې ٥٥ نور ټپيان شخصي روغتونونو ته انتقال شوي او د ځينو روغتیايي وضعيت ښه نه دى، هڅه کېږي چې په الوتکه کې کابل ته ولېږدول شي.

د دې چاودنې مسووليت وسله والو طالبانو منلى دى.

د یادې ډلې ویاند ذبيح الله مجاهد پژواک خبري اژانس ته وويل چې طالبانو په غزني کې یې د ملي امنيت پر يوه مرکز موټر بريد کړى دى.

هغه وايي چې په دغه برید کې د کابل د ملي امنيت ادارې لسګونه سرتېري وژل شوي او يو شمېر نور ټپيان دي.

ورته راپورونه:

نظر ورکړئ

اعلانونه

Advertisement