چاريکار (پژواک، ٢٢ چنګاښ ٩٨): د پنجشېر ولایت مقام ته نږدې چې د هېواد تر ټولو امنه سیمه ده، درې راکټونه لګېدلي خو مرګ ژوبله نه لري.
د پنجشېر امنیه قوماندان محمد اسحق تمکین پژواک خبري اژانس ته وویل، یاد درې راکټه تېره شپه د دغه ولایت د مرکز په جنوب کې له لوړو غرونو ویشتل شوي دي.
د تمکین په خبره، یاد راکټونه د ولایت مقام په یو کیلومترۍ کې لګېدلي خو مرګ ژوبله نه لري.
نوموړي له جزیاتو پرته وویل، د دولت وسله وال مخالفین له ګاونډیو ولایتونو پنجشېر ته راغلي او دغه برید یې ترسره کړی دی.
یاد برید د دغه ولایت اوسېدونکي اندېښمن کړي دي.
د پنجشېر یوه اوسېدونکي سیف الدین حصاري د اندېښنې په څرګندولو له حکومته وغوښتل چې په دغه ولایت کې د ناامنۍ مخه ونیسي.
پنجشېر د هېواد یو امن ولایت دی چې د ولسوالو مخالفینو فعالیتونه په کې ډېر کم تر سترګو کېږي.
په ۱۳۹۱ کال کې هم پر پنجشېر راکټي برید شوی و خو مرګ ژوبله یې نه لرله.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن