د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په کندهار کې د یوه معیاري زندان جوړولو چارې پيل شوې

په کندهار کې د یوه معیاري زندان جوړولو چارې پيل شوې

Jul 15, 2019 - 19:55

کندهار (پژواک، ۲۴ چنګاښ ۹۸): په کندهار کې د یوه معیاري او عصري زندان جوړولو چارې پیل شوې.

دغه زندان پر ۱۲۰ جریبه ځمکه په دامان ولسوالۍ کې جوړېږي چې د دولت له پرمختیايي بودیجې ورباندې ۳۱۴ میلیونه افغانۍ لګول کېږي.

د دغه عصري او په نړیوال معیار جوړېدونکي زندان د جوړولو چارې به په ۳ کلونو کې بشپړې شي.

په دغو مراسمو کې د محبسونو او توقیف خونو عمومي رییس لوی پاسوال عبدالعلیم کوهستاني او ورسره پلاوي، د کندهار والي حیات الله حیات او نور چارواکو ګډون کړی وو.

د کندهار والي حیات الله حیات د دغه زندان د بنسټ ډبرې اېښودلو پر مهال وویل، نوی زندان د ښار له ګڼې ګوڼې لیرې په دامان ولسوالۍ کې جوړېږي چې د بندیانو لپاره به ټولې قانوني اسانتیاوې ولري.

هغه زیاته کړه، په دغه زندان کې چې په عصري او نړیوال معیار جوړېږي، د بندیانو لپاره د لېسې، حرفوي زده کړو مرکز، لاسي صنایعو، وړکتون، روغتیايي مرکز او ګڼې نورې اسانتیاوې په پام کې نیول شوې دي.

دی وايي، په دې توګه به بندیان د خپل بند له مودې تېرولو وروسته د عادي وګړي په بڼه د ځان، کورنۍ او ټولنې لپاره د بیا خدمت کولو په موخه روزل شوی وي.

په کندهار کې د دغه نوي زندان د جوړولو د بنسټ ډبره په داسې حال کې اېښودل کېږي چې خلکو په وار وار غوښتنه کوله چې د کندهار عمومي زندان دې د ښار له ګڼې ګوڼې دباندې وویستل شي.

د کندهار عمومي زندان د کندهار ښار په لوېديځ کې د سرپوزې په سيمه کې د کندهار- هرات پر لويه لاره په ١٣٥٥ لمريز کال کې د سرادر محمد داود خان د واکمنۍ پر مهال جوړ شوى، چې اوسمهال د کورونو، دوکانونو او د استوګنې سيمو چاپېره کړى دى.

دغه زندان د هغه مهال له شرايطو سره سم جوړ شوى و چې اوسمهال د زندانيانو لپاره بسنه نه کوي او له بلې خوا د دغې سیمې اوسېدونکي یې هم له ستونزو سره مخامخ کړي دي.

ورته راپورونه:

نظر ورکړئ

اعلانونه

Advertisement