د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په لوګر کې د ٢٥ وسله والو طالبانو د وژل کېدو ادعا وشوه

په لوګر کې د ٢٥ وسله والو طالبانو د وژل کېدو ادعا وشوه

Jul 16, 2019 - 11:04

پل علم (پژواک، ٢٥ چنګاښ ٩٨): د لوګر امنيتي مسوولين وايي چې په مرکز کې پر وسله والو طالبانو هوايي بريد شوى چې له امله يې ٢٥ طالبان او دوه ملکي وګړي وژل شوي، خو طالبان بيا وايي چې بريد پر جومات شوى او وژل شوي کسان ټول ملکي وګړي دي.

لوګر کې د ملي اردو د څلورمې پلې لوا وياند احمد شکيل تسل د چنګاښ په ٢٥مه پژواک خبري اژانس ته وويل چې تېره شپه افغان او بهرنيو ځواکونو د مرکز پل علم اړوند د کمال خېلو په سيمه کې پر وسله والو طالبانو د ځمکې او هوا له لارې عمليات کړي دي.

دى وايي:((طالبان د همدې سيمې جومات ته څېرمه پټ شوى وو چې د امريکايانو بې پيلوټه الوتکې پرې بريد کړى دى.))

د تسل په وينا، په دغه بريد کې د پنځو قوماندانانو په ګډون ٢٥ وسله وال طالبان وژل شوي او لس تنه نور يې ټپيان شوي دي.

دغه راز د لوګر د والي وياند ديدار لونګ پژواک ته وويل چې بهرنيو ځواکونو په کمال خېلو کې پر طالبانو هوايي بريد کړى دى.

ده وويل چې په دغه بريد کې د درېيو قوماندانانو ملا حبيب اخندزاده، ملا نعمت او ملا حميد په ګډون ٢٥ وسله وال طالبان وژل شوي دي.

لونګ زياتوي چې په دغه بريد کې جومات نه دى ويجاړ شوى، يواځې دوه ملکي وګړي په کې وژل شوي دي.

همدارنګه د سيمې يوه اوسېدونکي ګل الرحمن پژواک ته وويل چې پرون افغان ځواکونه د دې سيمې په يوه کور کې را ټول شوي وو چې بيا طالبانو دغه کور کلا بند کړ.

هغه وايي: ((همدلته د طالبانو او امنيتي ځواکونو ترمنځ جګړه وشوه، په دې جګړه کې يو طالب ووژل شو، طالبان د خپل ملګري په مړي را ټول وو چې وروسته د جومات نه خلک و وتل هغوى هم د مړي خواته راغلل په همدې وخت کې له هوا نه پر دوى بريد وشو.))

د نوموړي په وينا، په دغه بريد کې ٢٠ طالبان او څلور عام وګړي وژل شوي او ١٥ طالبان او عام وګړي ټپيان شوي دي.

ګل الرحمن وايي چې بريد د کلي جومات ته څېرمه شوى او جومات ته په کې ډېر لږ زيان اوښتى دى.

خو بل لورته د وسله والو طالبانو وياند ذبيح الله مجاهد وايي چې دغه بريد د کلي پر جومات شوى دى.

هغه وايي چې په دغه پېښه کې ٢٥ ملکي وګړي وژل شوي او لس نور ټپيان شوي دي.

دا په داسې حال کې ده چې تېره اوونۍ په بغلان ولايت کې دوه ځلې د هوايي بريدونو پرمهال ملکي وګړو ته مرګ ژوبله اوښتې ده.

ورته راپورونه:

نظر ورکړئ

اعلانونه

Advertisement