د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

حکومت : شاولیکوټ کې دیوه قوماندان په ګډون ۲۷ وسله وال وژل شوي

حکومت : شاولیکوټ کې دیوه قوماندان په ګډون ۲۷ وسله وال وژل شوي

Jul 17, 2019 - 11:38

کندهار (پژواک، ۲۶ چنګاښ ۹۸): د کندهار چارواکي وايي چې په شاولیکوټ ولسوالۍ کې يې د یوه قوماندان په ګډون ۲۷ وسله وال وژلي دي.

د کندهار د والي ویاند بهیر احمدي پژواک خبري اژانس ته وویل، له تېرو څلورو ورځو راهیسې د شاولیکوټ ولسوالۍ په چنار سیمه کې ګډو ځواکونو ځمکني او هوايي عملیات پیل کړي دي.

هغه زیاته کړه، د دغو عملیاتو موخه دا ده چې په دې او نورو ورڅېرمه ولسوالیو کې د وسله والو د فعالیتونو مخنیوی وشي.

د ده په خبره، په دې عملیاتو کې د وسله والو د یوه مهم قوماندان بلال په ګډون ۲۷ وسله وال وژل شوي او ۱۲ نور ټپيان شوي دي.

دی وايي، په دغو عملیاتو کې د وسله والو یوه اندازه وسلې او وسایط هم له منځه وړل شوي دي.

په کندهار کې د ملي اردو د ۲۰۵ اتل قول اردو ویاند تورن صادق عیسی هم وايي چې دغه عملیات په ښه توګه روان دي او له دې سره د وسله والو شته ګواښونه له منځه وړل شوي او د سیمې خلکو ته به د عادي ژوند زمنیه برابره شي.

نوموړي خبر ورکړ چې په دغو عملیاتو کې ۱۳ کړۍ ماینونه هم شنډ او له منځه وړل شوي.

ځمکني ماینونه هم امنیتي ځواکونو او هم ملکي وګړو ته لوی ګواښ دی، همدا تېره ورځ د شاولیکوټ په ګاونډ خاکرېز کې د ماین چاودنې  ۱۳ ملکي وګړي ووژل او ۳۳ نور یې ټپيان کړل.

چارواکي وايي، دغه ماین د وسله والو له خوا پر عامه لاره ځای پر ځای شوی و.

وسله والو طالبانو تر اوسه په دې اړه څه نه دي ويلي .

شاولیکوټ ولسوالي د کندهار ښار شمالشرق لوري ته ۴۰ کیلومتره لرې واقع ده  چې تر ټولو ناامنه ولسوالۍ ګڼل کېږي.

ورته راپورونه:

نظر ورکړئ

اعلانونه

Advertisement