د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر غني د سعودي له وليعهد سره د سولې او امنيت په اړه خبرې کړې دي

ولسمشر غني د سعودي له وليعهد سره د سولې او امنيت په اړه خبرې کړې دي

Jul 17, 2019 - 09:16

 

کابل (پژواک، ٢٦ چنګاښ ٩٨) : ولسمشر اشرف غني د سعودي عربستان له وليعهد محمد بن سلمان سره د سولې، ترهګرۍ پر ضد د مبارزې او د اقتصادي اړيکو د پياوړتيا په اړه خبرې کړې دي.

د ارګ په ټويټر کې په خبرې شوې خبرپاڼه کې راغلي چې ولسمشر اشرف غني تېر ماښام د سعودي له وليعهد شهزاده محمد بن سلمان سره د ټيلېفون له لارې خبرې کړې دي.

سرچينې زياته کړې، په دې اړيکه کې دواړو لوريو د افغان سولې پروسې، امنيت، له ترهګرۍ سره پر ګډې مبارزې او د سعودي بازارونو ته د افغان توکو د رسولو په اړه خبرې شوې دي.

په خبرپاڼه کې دغه راز ويل شوي چې ولسمشر اشرف غني پر سيمه ييز اتصال د سعودي پر رول هم ټينګار کړى دى.

بلخوا د سعودي عربستان دولتي اژانس (واس) هم په خپل راپور کې ويلي چې  په دې اړيکه کې د نورو موضوعاتو ترڅنګ د دوه اړخيزو اړيکو او د افغانستان د اقتصادي پياوړتيا په اړه خبرې شوې دي.

د يادونې ده چې دوه مياشتې مخکې په سعودي کې د اسلامي هېوادونو سازمان د کنفرانس پر مهال هم ولسمشر غني د سعودي له وليعهد سره ځانګړې ليدنه کړې وه.

ورته راپورونه:

نظر ورکړئ

اعلانونه

Advertisement