د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بغلان کې د جنسي تقويې درمل له منځه يوړل شول

په بغلان کې د جنسي تقويې درمل له منځه يوړل شول

Jul 17, 2019 - 17:23

پلخمری (پژواک ،۲۶ چنګاښ ۹۸): د بغلان د عامې روغتيا رياست مسوولين وايي چې په دغه ولايت کې يې ٦٠ کيلوګرامه د جنسي تقويې درمل له منځه وړي دي.

د بغلان د عامې روغتیا ریيس ډاکټر محب الله حبیب د چنګاښ په ۲۶ مه د يادو درملو د سوځولو پرمهال رسنيو ته وويل چې د موظفو ډاکټرانو په واسطه يې د بغلان ولایت له بېلابېلو درملتونو څخه ۶۰ کیلو ګرامه د جنسي تقويې درمل را ټول کړي دي.

حبیب وايي چې دغه ډول درمل له زهرو ډېر خطرناک دي او ډېرى مهال پر ډېر عمر لرونکو کسانو د ډاکټر له نسخې پرته پلورل کيږي.

ده وويل چې د ترلاسه شویو درملو پلور غیر قانوني دی او د مخنیوي لپاره يې دوى کمپاین پیل کړی دى.

هغه زياته کړه: ((دغه دوا ډېرى وخت د هغو کسانو د مرګ لامل ګرځي چې لوړ فشار لري.))

دغه راز په مرکز پلخمري کې د مصطفى په نوم د درملو يوه پلورونکي د روغتيايي مسوولينو له لوري د دغه شان درملو د ټولولو کمپاين ملاتړ وکړ.

هغه وايي: (( ما په دې اړه لوستي چې دغه درمل ښه نه دي، نو ځکه يې نه خرڅوم او له نورو هم غواړم چې دغه کار ونه کړي.))

د يادونې ده چې د بغلان ترڅنګ په کابل او يو شمېر نورو ولايتونو کې هم د جنسي تقويې درمل په ښکاره ډول په درملتونونو او ان په دوکانونو کې پلورل کيږي.

ورته راپورونه:

نظر ورکړئ

اعلانونه

Advertisement