د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پروان ولایت نظامي وايي زورواکي يي په چارو کې لاسوهنې کوي

د پروان ولایت نظامي وايي زورواکي يي په چارو کې لاسوهنې کوي

Jul 19, 2019 - 09:43

کابل (پژواک، ٢٨ چنګاښ ٩٨): د پروان ولایت نظامي شورا وايي، ځينې سياستوال او زورواکي يې په چارو کې لاسوهنه کوي، خو د ملي امنيت سلاکار ټينګار کوي چې د شته ګواښونو پر وړاندې به کوټلي ګامونه پورته شي.

د ملي امنيت شورا په خبرپاڼه کې راغلي چې د پروان ولایت نظامي شورا غړيو، چې د پروان والي فضل الدین عیار یې مشري کوله، د ملي امنیت له سلاکار ډاکټر حمدالله محب سره وکتل.

 سرچينه ليکي چې په ناسته کې والي او ټولو پوځي چارواکيو د یاد ولایت د حالت په اړه معلومات ورکړل او هغه سیمې یې په نښه کړې، چې "د هېواد د سولې او ثبات د دښمنانو" د فعالیتونو تر ګواښ لاندې دي.

د خبرپانې له مخې، د پروان ولایت نظامي شورا غړيو ويلي چې اړوندې نظامي ادارې په بشپړه همغږۍ د "ورانکارو او ترهګرو" پر وړاندې مبارزه کوي او په دې برخه کې یې لاسته راوړنې هم لرلې دي.

 سرچینه د جزيياتو له ورکولو پرته زياتوي چې دوی په چارو کې د یو شمېر سیاستوالو او زورواکانو د لاسوهنې خبره هم وکړه.

د خبرپاڼې له مخې، د ملي امنیت سلاکار ويلي چې قانون بايد پر زوروکي او غريب يو شان پلى شي.

د هغه په وينا، زورواکي، قانون ماتونه او سیاسي لاسوهنې د منلو نه دي او په قوت سره یې پر وړاندې درېدل په کار دي.

محب ټینګار کړى چې په پروان کې د شته ګواښونو د حل کولو په موخه به کوټلي ګامونه واخلي او د ولایتي ادارې او ځواکونو اړتیاوو ته به رسېدنه وشي.

ورته راپورونه:

نظر ورکړئ

اعلانونه

Advertisement