مزاشريف ( پژواک، ۲۹چنګاښ ۹۸) : په شمال کې د شاهين ٢٠٩ قول اردو وايي چې د بلخ چهاربولک ولسوالۍ لپاره د طالبانو نومول شوی ولسوال نيول شوی دی.
ددغې قول اردو له خوا په خپره شوې اعلاميه کې راغلي چې ملا عزت الله د افغان ځواکونو تر څار لاندې و او زياتوي چې تېره شپه د چهاربولک ولسوالۍ په مربوطاتو کې ونيول شو.
خبرپاڼه زياتوي، له دغه طالب ولسوال سره د هغه څلور ملګري هم نيول شوي چې دمګړۍ له شاهين قول اردو سره دي.
اعلاميه کې دا هم ويل شوي چې په دغو عملياتو کې يو شمېر وسلې او تجهيزات هم د افغان ځواکونو لاس ته ورغلي دي.
په ورته مهال يوې معتبرې امنيتي سرچينې پژواک ته وويل چې د تېرې شپې په عملياتو کې د چهاربولک ولسوالۍ لپاره د طالبانو د نومول شوي ولسوال ورور له پنځو نورو طالبانو سره نيول شوى دى.
وسله والو طالبانو بيا تر اوسه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن