د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چارواکي: د ننګرهار د چپرهار ولسوالۍ ٣٠ کلي له وسله والو پاک شوي

چارواکي: د ننګرهار د چپرهار ولسوالۍ ٣٠ کلي له وسله والو پاک شوي

Jul 20, 2019 - 17:40

جلال اباد (پژواک، ۲۹ چنګاښ ۹۸): د ننګرهار ولايت چارواکي وايي چې چپرهار ولسوالۍ کې د ګډو افغان ځواکونو د عملياتو پرمهال په تېرو نږدې پنځلس ورځو کې ۳۰ لوی او واړه کلي له وسله والو پاک شوي دي.

د چارواکو په وينا، اوس مهال په نيول شويو سيمو کې د امنيتي ځواکونو پوستې جوړېږي چې بې ځايه شوې کورنۍ بېرته خپلو سيمو ته وګرځېږي.

دغه عمليات د روانې چنګاښ مياشتې په ۱۶مه د ملي اردو په مشرۍ د ګډو افغان ځواکونو له لوري د هوايي او توپچي ځواک په مرسته پيل شوي دي.

په ختيځ کې د ۲۰۱ سيلاب قول اردو مطبوعاتي مسوول جګړن محمد هارون يوسفزي د چنګاښ په ۲۹مه پژواک اژانس ته وويل، د ګډو افغان ځواکونو له لوري د داعش او طالب  وسله والو د ځپلو په موخه نږدې پنځلس ورځې وړاندې د چپرهار ولسوالۍ په مربوطاتو کې عمليات پيل شول.

دی وايي، په دغو عملياتو کې چې هوايي او د توپچې ځواکونو ملاتړ هم لري د ملي اردو، ملي پوليسو، امن عامه او نظم عامه پوليسو او د سرحدي ځواکونو له لوري مخته وړل کېږي، چې ولسي پاڅونوال او سيمه ييز پوليس يې هم ملاتړي دي.

هغه  زياته کړه، د عملياتو پرمهال تر اوسه د داعش او طالب وسله والو له منګولو څخه د ۳۰ په شاوخوا کې لوی او واړه کلي پاک شوي او عمليات لا هم روان دي.

د نوموړي په وينا، د عملياتو پرمهال نيول شويو سيمو کې د تازه دمو ځواکونو نوې پوستې جوړېږي چې تر اوسه  يې دوه پوستې جوړې شوي او دوه نورې تر کار  لاندې دي.

د يوسفزي د معلوماتو له مخې، د عملياتو په دغه موده کې ۱۵ کړۍ ماينونه هم کشف او له منځه وړل شوي او ۱۰ ميله درنې او سپکې وسلې هم د امنيتي ځواکونو لاسته ورغلې دي.

په همدې حال کې د ننګرهار والي شاه محمود مياخېل وايي، د چپرهار ولسوالۍ عمليات په جلال اباد ښار او دغې ولسوالۍ کې د امنيت د ټينګښت په موخه پلان شوي دي.

دی وايي، له دغو سيمو جلال اباد ښار ته هم ډېر تهديدونه موجود و چې د جلال اباد ښار د ناامنۍ ټولې پېښې له همدغو ځايونو رهبري او پلان کېدلې.

د والي په وينا، اوسمهال د نيول شويو سيمو امنيت ترپخوا ډېر ښه شوی او هغه کورنۍ چې د وسله والو له وېرې امن سيمو ته کډه شوې وې اوس بېرته خپلو مېنو ته ستنېږي.

دی وايي، په دغې ولسوالۍ کې د پوستو په جوړېدو سره به امنيت لا خوندي شي او که د سيمې خلک خپله د سيمو امنيت ساتلو ته راپورته شي، دوی  به يې لکه  د نورو ولسواليو د ولسي پاڅونوالو ملاتړ وکړي.

بلخوا د سيمې خلک هم خوښ دي چې په ولسوالۍ کې يې د عملياتو پرمهال په نيول شويو سيمو کې امنيت ډېر ښه شوی دی.

د رياض احمد په نوم يوه ځايي اوسېدونکي پژواک ته وويل، چې د دوی کلي للمې ته په تېرو څو ورځو کې يو شمېر کورنۍ چې له ناامنيو کډه شوې وې بېرته راستنې شوې دي.

چارواکي وايي، په چپرهار کې د بشپړ امنيت له ټينګښت سره سم به ديو شمېر رغنيزو پروژوکار هم پيل شي.

ورته راپورونه:

نظر ورکړئ

اعلانونه

Advertisement