د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې د کوچيانو لېسې ٤٥ زده کوونکي مسموم شوي

غزني کې د کوچيانو لېسې ٤٥ زده کوونکي مسموم شوي

Jul 22, 2019 - 18:13

غزني ښار (پژواک، ٣١ چنګاښ ٩٨): د غزني د کوچيانو لېسې ٤٥ زده کوونکي د باروتو د دود او بوي له امله مسموم شوي دي.

د يادې لېسې امر محمد داوود کوچي د چنګاښ په ٣١مه پژواک خبري اژانس ته وويل چې نن له غرمې وروسته د دې لېسې ٤٥ زده کوونکي مسموم شوي دي.

هغه وايي: ((په دې سيمه کې هره شپه د حکومت او طالبانو ترمنځ جنګ وي، دغه زده کوونکي د باروتو د دود او بوى له امله مسموم شوي دي.))

د نوموړي په وينا، ډېرو زده کوونکو شوک ليدلى او د بې هوښۍ حالت ته تللي وو.

دغه راز د غزني د ولايتي روغتون مشر ډاکټر باز محمد همت پژواک ته وويل چې د کوچيانو له لېسې څخه ١٩ زده کوونکي په ناروغ حالت کې دوى ته انتقال شوي دي.

هغه وويل: (( دې زده کوونکو ته روانې ستونزې پيدا شوې وې، مو کوښښ وکړ چې مشکل يې حل کړو.))

د همت په وينا، د يادو زده کوونکو له ډلې څخه ١٦ يې دوى رخصت کړي يواځې درې تنه يې پاتې دي چې تر درملنې وروسته به رخصت شي.

د يادونې ده چې د کوچيانو لېسه د غزني ښار په ګنج سيمه کې پرته ده چې ډېرى وخت په دغه سيمه کې د وسله والو طالبانو او امنيتي ځواکونو ترمنځ جګړې وې.

ورته راپورونه:

نظر ورکړئ

اعلانونه

Advertisement