د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"پکتيکا کې د ماشومانو د نس ناستي ناروغۍ کچه لوړه شوې"

"پکتيکا کې د ماشومانو د نس ناستي ناروغۍ کچه لوړه شوې"

Jul 22, 2019 - 11:25

ښرنه(پژواک، ٣١ چنګاښ ٩٨): د پکتيکا روغتيايي مسوولين او اوسېدونکي وايي چې په دې وروستيو کې په دغه ولايت کې د ماشومانو د نس ناستي ناروغۍ کچه په بې سارې ډول لوړه شوې چې خلک يې سخت اندېښمن کړي دي.

د اړوندې موضوع په اړه د مرکز ښرنې د ملکي روغتون د ماشومانو د برخې متخصص ډاکټر غوث الدين دانش د چنګاښ په ٣١ مه پژواک خبري اژانس ته وويل چې په دې وروستيو کې هره ورځ له ٧٠ تر ٨٠ پورې په نس ناستي (اسهال) اخته ماشومان د درملنې په موخه دوى ته مراجعه کوي.

هغه وايي: ((دغه شمېره د تېرو کلونو او تېرو موسمونو په پرتله خورا ډېره ده او موږ کوښښ کوو چې هرڅه ژر د دغو ماشومانو درملنه وکړو.))

ډاکټر دانش زياتوي، که چيرې په نس ناستي اخته ماشومان په وخت روغتيايي مرکز ته ونه رسول شي، امکان لري چې خپل ژوند له لاسه ورکړي.

د نوموړي د معلوماتو له مخې،په نس ناستي د ماشومانو د اخته کېدو لوى لاملونه د هواګرمېدل، د نظافت نه مراعتول او د نا پاکو اوبو، خوړو او ميوو استعمالول دي.

په ورته وخت کې د ښرنې په مرکزي روغتون کې د سيدولي په نوم يو کس پژواک ته وويل چې دوه ماشومان يې د نس ناستي په ناروغۍ اخته شوي دي.

دى وايي: ((دا څو ورځې کيږي چې ماشومان مې اسهال دي، په وخت مو ورته درملنه ونه کړه اوس يې بېخي وضعيت خراب دى.))

دغه راز د مرکز ښرنې د ملايانو کلي اوسېدونکي حاجي انور پژواک ته وويل چې په دغه ولايت کې د ماشومانو د نس ناستي ناروغۍ کچه ډېره لوړه شوې ده.

ده زياته کړه:((کله چې روغتون ته ولاړ شې نو ټول ډاکټران د همدې ماشومانو په درملنه بوخت دي، کورنۍ او ډاکټران بايد د دې ناروغۍ د مخنيوي لپاره جدي ګامونه پورته کړي.))

د اړوندې موضوع په اړه د پکتيکا د عامې روغتيا رييس ډاکټر عبدالهادي هاشمي پژواک ته وويل، دوى تر اوسه په دې اړه معلومات نه لري چې د ماشومانو د نس ناستي ناروغۍ کچه دې ډېره لوړه شوې وي.

هغه زياته کړه: ((که چيرې دغه ناروغي ډېره هم شي موږ په مرکز او ولسواليو کې د درملنې لپاره يې پوره چمتوالى لرو، دومره د تشويش وړ خبره نه ده.))

د يادونې ده چې په تېرو څو مياشتو کې د نس ناستي ناروغۍ د ډېروالي له امله کوم ماشوم په پکتيکا ولايت کې نه دى مړ شوى .

ورته راپورونه:

نظر ورکړئ

اعلانونه

Advertisement