د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په تېرو څلورو مياشتو کې په هرات کې د ځان وژنې ۶۶۰ موارد ثبت شوي دي

په تېرو څلورو مياشتو کې په هرات کې د ځان وژنې ۶۶۰ موارد ثبت شوي دي

Jul 27, 2019 - 19:35

هرات (پژواک، ۵ زمری ۹۸):  په هرات کې سيمه ييز چارواکي په ياد ولايت کې د ځان وژنو هڅو زياتېدا د اندېښنې وړ بولي او وايي چې د روان کال په لومړيو څلورو مياشتو کې د ياد ولايت په روغتونونو کې د ځان وژنې ۶۶۰ هڅې ثبت شوي دي.

يادې سرچينې په داسې حال کې د تېر کال ورته مودې په پرتله  سږکال د ځان وژنو هڅو ډېرېدو خبر ورکوي او وايي چې يواځې په تېره يوه مياشت کې ۱۳۷ د ځان وژنې هڅې د هرات په مرکزي روغتون کې ثبت شوې دي.

د هرات ولايت د حوزوي روغتون د چارواکو له معلوماتو سره سم، له ياد شمېر څخه په تېره يوه مياشت کې ۱۱ کسان مړه شوي دي.

د هرات حوزوي روغتون سرطبيب ډاکټر محمدعارف جلالي پژواک خبري اژانس ته وويل: ((په تېرو څلورو مياشتو کې د ځان وژنو هڅو په ياد شمېر کې ۴۵۸ يې د ښځو له لوري ترسره شوي دي او ۲۰۲ پيښې نارينه وو اړوند دي چې ۴ يې ځان ته د اور اچولو، ۳ يې د درملو خوړلو او ۴ د زندۍ کولو له امله دې روغتون ته راوړل شوي دي.))

ده زياته کړه، د ځان وژنو په پېښو کې ښکېل ډېری کسان له ۱۵- ۳۰ کلنو عمرونه لري.

د دې ترڅنګ د هرات  ځيني اوسېدونکي په دې ولايت کې د ځان وژنو کچې لوړېدا په اړه اندېښنه ښيي او ټينګار کوي چې په لوړه کچه وزګارتيا او ټولنيزې ستونزې په دې ولايت کې د ځان وژنو پېښو ډېرېدو لامل شوي دي.

د هرات ښار اوسېدونکي عبدالواسع پژواک ته وويل: ((ځوانان د کورنيو ستونزو، اقتصادي کمزورتيا، کورني تاوتريخوالي او په کم عمر کې د ودونو له امله د ځان وژنې هڅه کوي.))

خو د هرات ښار بل اوسېدونکی نصيراحمد، اقتصادي ستونزې، فرهنګي يرغل او فرهنګي بېوزلي هغه عوامل بولي چې ځوانان ځان وژنې ته زړه ښه کوي.

د دې ترڅنګ سنتي کورنۍ، جبري ودونه، بې ځايه محدوديتونه، نه پوهاوی، نالوستي، د وزګارتيا او بېوزلۍ کچې لوړېدا، هغه موارد دي چې ځوانان ځان وژنې ته هڅوي.

په ورته مهال، د هرات ولايتي شورا غړي له حکومت څخه غواړي چې په دې ولايت کې د ځان وژنې هڅو کمېدو په برخه کې دې لاس په کار شي.

د ولايتي شورا غړي وکيل احمد کرخي پژواک خبري اژانس ته وويل: ((له بده مرغه په تېرو څو کلونو کې د ځان وژنې پېښې ډېرې شوي دي چې لامل يې وزګارتيا ده، هر کال له پوهنتونونو څخه زيات شمېر ځوانان فارغېږي؛ خو د کار کولو چانس ورته نشته.))

د هرات د مرکزي روغتون له شمېرو سره سم، تېرکال په دې روغتيايي مرکز کې د ځان وژنې ۱۸۲۵ موارد ثبت شوي دي.

ورته راپورونه:

نظر ورکړئ

اعلانونه

Advertisement