د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بلخ کې مخابراتي شبکو بېرته فعاليت پیل کړ

په بلخ کې مخابراتي شبکو بېرته فعاليت پیل کړ

Jul 31, 2019 - 17:23

مزارشريف (پژواک،۹زمری۹۸): خصوصي مخابراتي شبکو له لس ورځني ځنډ وروسته بېرته په مزارشريف کې خپل فعاليت پيل کړ.

لس ورځې وړاندې په مزارشريف ښار کې ټولو خصوصي مخابراتي شبکو په لومړي ځل د طالبانو ګواښ له امله د شپې له خوا خپل فعاليتونه قطع کړل او د دغه کار په غبرګون کې د بلخ سيمه ييزې ادارې تند غبرګون وښود.

د بلخ ولايت مقام د مخابراتي شبکو ياد اقدام دسيسه وبلله او خبرداری يې ورکړ چې که بيا ځلي د شپې له خوا مخابراتي شبکو خپل خدمات بند کړل، نو جدي چلند به ورسره وکړي.

د ولايت مقام له دغه خبرداري وروسته په دويمه شپه بيا هم مخابراتي شبکو خپل خدمات بند کړل چې له امله يې د بلخ ولايت مقام له خوا شپه او ورځ د يادو مخابراتي شبکو فعاليتونو باندې بنديز ولګېد.

له تېرو لسو ورځو وروسته د زمري مياشتې د ۹مې ورځې، ماسپښين شاوخوا ۳ بجې ټولو خصوصي مخابراتي شبکو بېرته په مزارشريف کې خپل فعاليتونه پيل کړل.

د بلخ ولايت مقام مطبوعاتي مسوول منير فرهاد د زمري په ٩مه پژواک خبري اژانس ته وويل چې د مخابراتي شبکو مسوولينو ژمنه کړې چې خدمات به يې ۲۴ ساعته وي.

هغه زياته کړه، هڅه يې دا ده څو د مخابراتي شبکو ټولو غوښتنو ته رسېدنه وشي او همدا راز د امنيتي وضعيت په اړه يې هم يادو شبکو ته ډاډ ورکړی دی.

له  دې وړاندې د بلخ سوداګرو ويلي وو چې د مخابراتي شبکو په بندېدو سره خصوصي سکټور ته ميليونونه ډالر زيان رسېدلی دی.

بلخوا د مخابراتو او معلوماتو ټکنالوجۍ وزارت له خوا په يوه خپره شوې خبرپاڼه کې هم د يادو شبکو له خوا د فعاليت د بيا پيلېدو خبر ورکړل شوى دى.

په خبرپاڼه کې راغلي، د مخابراتو وزارت سرپرست وزیر محمد فهیم هاشمي د یادې ستونزې په هوارولو کې د امنیت شورا، بلخ ولایت مقام او مخابراتي شبکو له هڅو د مننې ترڅنګ ټینګار کړى چې مخابراتو وزارت د پالیسي جوړوونکي بنسټ په توګه هڅه کوي څو مخابراتي شبکو ته د فعالیت خوندي او اغېزمنه فضا رامنځه کړي.

هاشمي ټینګار کړى، که څه هم د مخابراتي ستونزو هوارولو مسوولیت له اترا ادارې سره دی خو مخابراتو وزارت هڅه کوي چې يوه منظم امنیتي ميکانیزم جوړولو له لارې ټولو خصوصي او دولتي شرکتونو ته د اغېزمنو فعالیتونو منظم بستر جوړ کړي.

ورته راپورونه:

نظر ورکړئ

اعلانونه

Advertisement