د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خوست ښار کې اورلګېدنې خلکو ته مالي زیان اړولی

خوست ښار کې اورلګېدنې خلکو ته مالي زیان اړولی

Aug 01, 2019 - 11:57

خوست ښار (پژواک، ۱۰ زمری ۹۸): په خوست ښار کې د اورلګېدنې له امله شاوخوا ۳۰ دوکانونه سوځېدلي او خلکو ته يې ميليونونه افغانۍ مالي زيان اړولی دى.

د خوست د امنيې قوماندانۍ د اطفايې امر څارمن سيد رووف د زمري په لسمه پژواک خبري اژانس ته وويل چې دغه اورلګېدنه نن سهار درې بجې د خوست ښار په سوېلي څنډه کې د نجارۍ په يو دوکان لګېدلې او وروسته بيا اور شاوخوا دوکانونو ته هم خپور شوی دی.

هغه وايي چې د دوی اطفايو تر نهو بجو پورې اور کنټرول او مړ کړ او چا ته په کې ځاني زيان نه دی اوښتی.

څارمن سيد رووف زياته کړه چې د اورلګېدنې لامل تر اوسه نه دی معلوم، خو په اړه يې پلټنې روانې دي.

د خوست ښار يوه اوسېدونکي نورمت خان پژواک ته وويل چې د ده دوکان هم د اور په پېښه کې په بشپړ ډول سوځېدلی او نړېدلی دي.

هغه وويل چې په دوکان کې يې د شاوخوا يوولس سوه زره افغانيو په ارزښت وسایل وو، خو اوس ټول له منځه تللي دي.

نوموړي له امنيتي مسوولينو غوښتنه وکړه چې د دې پېښې عاملين ونيسي او د قانون له مخې دې ورته سزا ورکړي.

ورته راپورونه:

نظر ورکړئ

اعلانونه

Advertisement