کابل (پژواک، ١٣ زمرى ٩٨): د امريکا په تګساس ايالت کې يوه وسله وال کس په یوه مغازه کې پر خلکو ډزې کړې او ٤٦ کسانو ته يې مرګ ژوبله اړولې ده.
امريکايي رسنيو خبر ورکړى چې دا پېښه تېره ورځ پر ځايي وخت شاوخوا لس بجې د سيلو ويسټا په سيمه کې د ولمارټ په نوم يوه سوداګريز مرکز يا مغازه کې په داسې حال کې رامنځته شوه چې هلته د خلکو ګڼه ګوڼه ډېره وه.
د ټکساس ښاروالي ګريک ابوټ د دغه ايالت په تاريخ کې تر ټولو خونړۍ پېښه ياده کړې او ويلي يې دي چې د نهو ټپيانو روغتيايي حالت د اندېښنې وړ دى.
هغه زياته کړې، پوليسو يو ٢١ کلن مشکوک کس چې سپين پوستى بلل شوى، نيولى او باور کېږي چې بريد همدغه سړی ترسره کړى دى.
د ټکساس پوليسو ويلي چې بريدګر مغازې ته له ننوتو سره سم پر خلکو ډزې پيل کړې ، ٢٠ تنه يې وژلي او ٢٦ نور يې ټپيان کړي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن