په هرات کې له مهماتو ډک موټر نيول شوی

 

هرات ښار (پژواک، ١٥ زمرى ٩٨): د هرات پوليس وايي چې په دغه ولايت کې یې له مهماتو ډک موټر کشف او ضبط کړى دى.

د هرات د امنيې قوماندانۍ وياند عبدالاحد ولي زاده پژواک اژانس ته وويل چې دغه له مهماتو ډک مازدا موټر يې د هرات په چشت ولسوالۍ کې نيولى دى.

هغه زياته کړه چې په دغه موټر کې لس زره د اېم ١٦، نهه زره د کلاشينکوف، ٢٨زره د ام ٣٩ او ٢٤٠٠ د امريکايي درازنوف مرمۍ بار دي.

نوموړي وويل چې د دغو مهماتو په تړاو دوه کسان هم نيول شوي دي.

د هغه په خبره، نيول شوو کسانو غوښتل چې دغه مهمات د دولت وسله والو مخالفينو ته ورسوي.

د ده په وينا، ياد نيول شوي کسان د نورو څېړنو په موخه کشفي ارګانونو ته سپارل شوي دي.

login or register a new account.