د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د افغانستان د معلولينو کرکټ لوبډلې انګلستان ته هم ماتې ورکړه

د افغانستان د معلولينو کرکټ لوبډلې انګلستان ته هم ماتې ورکړه

Aug 08, 2019 - 10:01

کابل (پژواک، ١٧ زمرى ٩٨): د افغانستان د معلولينو کرکـټ لوبـډلې له بنګله دېش او پاکستان وروسته د کرکټ نړيوالو سياليو په درېيمه لوبه کې انګلستان ته هم ماتې ورکړه.

دا سيالۍ د زمري په ١٤مه په انګلستان کې پيل شوې دي چې په کې د پنځو هېوادونو لوبډلو برخه اخيستې ده.

د افغانستان کرکټ بورډ له خوا په يوه خپره شوې خبرپاڼه کې راغلي چې افغانستان خپله درېيمه لوبه تېره شپه له انګلستان سره ترسره کړه.

انګلتسان د دې لوبې پچه وګټله او د توپ وهنې پرېکړه يې وکړه، انګلستان په ټاکل شوو ٢٠ اورونو کې د اوو لوبغاړو په سوځېدو ١٥٩ مندې جوړې کړې او افغانستان ته يې د ١٦٠ منډو هدف ورکړ.

د افغانستان د معلولينو لوبډلې له لوري په توپ اچونه کې محمد شعيف ٣، شېرين اغا ٢، طفيل او حزب الله يو يو لوبغاړي وسوځول.

د افغانستان د معلولينو لوبـډلې ياد هدف په شپاړسم اوور کې د درېيو لوبغاړو په سوځېدو ترلاسه کړ او لوبه يې وګټله.

د افغانستان له لوري په توپوهنه کې محمدالله ۵۶، محمد اشرف ۳۹، جمیل شاه ۳۲ او طفیل ۲۰ منډې جوړې کړې.

محمد الله د لوبې غوره لوبغاړی اعلان شو.

افغانستان له دې مخکې بنګله دېش او پاکستان ته هم ماتې ورکړې وې او خپله څلورمه لوبه به نن له هندوستان سره ترسره کوي.

ورته راپورونه:

نظر ورکړئ

اعلانونه

Advertisement