د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د بغلان دیني عالمانو د اختر په ورځو کې له طالبانو د اوربند غوښتنه وکړه

د بغلان دیني عالمانو د اختر په ورځو کې له طالبانو د اوربند غوښتنه وکړه

Aug 08, 2019 - 16:27

پلخمري (پژواک، ۱۷زمری ۹۸): په بغلان کې ديني عالمانو د لوى اختر په ورځو کې له وسله والو طالبانو د اوربند غوښتنه وکړه.

په دې اړه د بغلان ديني عالمانو نن په مرکز پلخمري کې غونډه جوړه کړې وه.

په دې غونډه کې د بغلان د ديني عالمانو شورا رييس مولوي سراج الدين سيرت وويل، که چيرې طالبان د افغانستان لپاره صادق وي، نو د لوى اختر په ورځو کې دې اوربند اعلان کړي.

هغه وايي: ((د دې لپاره چې زموږ د سولې پر خبرو باور راشي، نو طالبان دې په اختر کې اوربند اعلان کړي.))

د نوموړي په وينا، له يوې خوا د سولې خبرې او له بل پلوه د خلکو وژل کېدل دا په دې معنا ده چې د سولې واک له طالبانو او حکومت سره نشته.

دغه راز په دې غونډه کې قومي مشر سيد کمال وردګ وويل چې د افغان وژنې د مخنيوي لپاره دې طالبان لږ تر لږه د اختر په ورځ کې د اوربند اعلان وکړي.

وردګ زياته کړه: ((جنګ په افغانستان کې روان دى، خو خبرې په مسکو او دوحه کې کېږي، خبرې هم بايد په افغانستان کې وشي څو په دې اړه د خلکو شکونه لرې شي.))

يو شمېر نورو ديني عالمانو هم ورته څرګندونې وکړې.

د بغلان ديني عالمانو داسې مهال له طالبانو د اوربند غوښتنه وکړه چې په دې وروستيو کې په هېواد کې چاودنو او ځانمرګي بريدونو زور اخيستى دى.

ورته راپورونه:

نظر ورکړئ

اعلانونه

Advertisement