د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هرات کې د ماشومانو د تفريح مرکزونه مخ په ډېرېدو دي

په هرات کې د ماشومانو د تفريح مرکزونه مخ په ډېرېدو دي

Aug 10, 2019 - 15:49

شهر هرات (پژواک، ۱۹ زمری  ٩٨): همدا اوس په هرات ښار کې د ماشومانو د تفريح شاوخوا لس مرکزونه فعالیت کوي چې ماشومانو ته په روحیه ورکولو کې یې مثبت رول لوبولی دی.

هراتي کورنۍ چې یادو مرکزونو ته یې خپل ماشومان راوستلي وايي، هڅه کوي خپل ماشومان د جګړو او تاوتریخوالي له خبرونو لرې وساتي.

دوی پر دې باور دي چې تفریحې مرکزونو ته د ماشومانو راوستل د دوی د روحيې پر پیاوړتیا سربېره ددې لامل کېږي چې دوی په راتلونکي کې سالم او له شخصي عقدو خالي کسان لویېږي.

۴۶ کلن عبدالظاهر د هرات یو اوسېدونکی دی چې خپل ماشوم یې یوه تفریحي مرکز ته راوستلی دی.

نوموړی په دې اند دی چې ماشومانو ته روحیه ورکول د رواني او روحي روغتیا سربېره د دوی له زده کړو او روزنې سره مرسته کوي او ماشومان به یې په ډېره لېوالتیا د ښوونځي ورځني درسونه لولي.

دغه راز د حمیدالله په نوم کس د هرات بل اوسېدونکی دی چې خپل ماشوم یې یوه تفریحې مرکز ته راوستلی دی.

نوموړي هم وویل، ماشومان له جګړې ستړي دي او د روحیې د پیاوړتیا، د جګړې، ناامنۍ او منفني خبرونو له اورېدو د لرې ساتلو لپاره یې خپل ماشوم دغه تفریحي مرکز ته راوستلی څو په خپله ماشومانه نړۍ کې ډوب وي.

ماشومان هم دغه تفریحي مرکز ته له ننوتلو وروسته بل ډول شور او احساسات لري.

دوی د ژوند له ستړو لرې هغه لوبې کوي چې تر اوسه یې ورته ډېره کمه زمینه برابره ده.

د سهیل په نوم اته کلن ماشوم یوه تفرېح یوه مرکز ته راغلی دی.

هغه په ماشومانه انداز وویل، کله چې په اوونۍ کې یو ځل د لوبو ښار ته راځي په ډېره لېوالتیا ښوونځی لولي.

په ورته وخت کې د یوه تفریحي مرکز مسوول نجیب الله یعقوبي ددغه مرکز د جوړېدو موخه د افغانستان جګړه ځپلو ماشومانو لپاره د لوبو سربېره روحي پیاوړتیا او ټولنې ته د سالمو ماشومانو وړاندې کول دي.

روانشناسان وايي چې ماشومان تفرېح او لوبو ته اړتیا لري او کورنۍ مسوولیت لري چې د زده کړو تر څنګ ورته د لوبو زمینه برابره کړي، څو په راتلونکي کې سالم او له عقدو خالي کسان ترې جوړ شي.

بلخوا د هرات ښاروال غلام رسول عظیمي پژواک ته وویل، دغه تفریحي مرکزونه د هېواد په سختو شرایطو کې ماشومانو ته ګټور تمامېږي.

هغه زیاته کړه، همدا اوس یې د هرات په شنو سیمو کې څو تفریحي مرکزونه د ښې ساتنې او رسېدنې لپاره خصوصي سکټور ته ورکړي او دغه اداره هڅه کوي چې یاد مرکزونه په معیاري ستندردونو فعالیت وکړي.

نوموړي زیاته کړه، دغه تفریحي سیمې کولای شي ماشومانو ته د زده کړو زمینه برابره کړي ځکه چې د لوبو ځينې وسایل د الفبا تورو په ډول برابر شوي دي.

ورته راپورونه:

نظر ورکړئ

اعلانونه

Advertisement