د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

رولا غني: حکومت سولې ته ژمن دی خو د نظام بدلون نه غواړي

رولا غني: حکومت سولې ته ژمن دی خو د نظام بدلون نه غواړي

Aug 18, 2019 - 16:24

کابل (پژواک، ۲۷ زمری ۹۸): د هېواد لومړۍ مېرمنې د سولې پر راوستو ټينګار کړی خو د نظام له بدلون سره يې کلک مخالفت ښودلی دی.

رولا غني دغه څرګندونې نن په کابل کې د انځورونو د يوه نندارتون په پرانيستغونډه کې وکړې.

هغې وويل، په افغانستان کې بايد داسې سوله راشي چې خلکو ته خوښي او سوکالي ور په برخه کړي.

هغې زياته کړه: ((موږ سوله غواړو، خو نه پوهېږم چې څنګه سوله وکړو؛ ځکه دوى له هېواده بهر ناست دي او پر دې هم نه پوهېږو چې لګښت يې څوک ورکوي.))

لومړۍ مېرمنې وويل چې افغان حکومت د سولې راوستو ته ژمن دى خو د نظام له بدلون سره جدي مخالفت کوي.

هغې وويل: ((دغه نظام دى چې خلکو ته يې د بيان ازادي ورکړې، څو خپل غږ پورته کړي او خپلې غوښتنې مطرح کړي.))

دغه راز رولا غني پر وسله والو طالبانو نيوکه وکړه، ویې ویل چې هغوی نه شي کولای نېغ په نېغه د حکومت له لوري مطرح شوو پوښتنو ته ځواب ورکړي، بلکې ځواب یې د بهرنيانو په مشوره او خوښه وي.

د هغې په اند، د افغانستان خلک اوس پوه شوي او دا باوري ده چې ښه او روښانه راتلونکى به ولري.

د يادونې ده، په وروستيو څو مياشتو کې د افغان سولې په اړه د امريکا او طالبانو د استازو ترمنځ اته ځلې د قطر هېواد په دوحې ښار کې ناستې ترسره شوې دي.

په يادو ناستو کې دواړه لوري وروستي پايلې ته نه دي رسېدلي خو وايي چې په دې برخه کې پرمختګونه شوي دي.

نښه: 

ورته راپورونه:

نظر ورکړئ

اعلانونه

Advertisement