د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ناپېژاندو وسله والو د غزني په قره باغ ولسوالۍ کې درې ملکي وګړي وژلي

ناپېژاندو وسله والو د غزني په قره باغ ولسوالۍ کې درې ملکي وګړي وژلي

Aug 18, 2019 - 14:20

غزني ښار (پژواک، ٢٧ زمرى ٩٨): په غزني کې ناپېژاندو وسله والو د ملکي وګړو پر موټر ډزې کړې چې په پايله کې يې درې کسان وژل شوي او درې نور ټپيان دي.

د غزني د والي وياند محمد عارف نوري د زمري په ٢٧مه پژواک خبري اژانس ته وويل چې نن له غرمې مخکې ناپېژاندو وسله والو په قره باغ ولسوالۍ کې د ملکي وګړو پر موټر ډزې کړې دي.

هغه وايي: ((دغه خلک د قرباغ ولسوالۍ اصلي اوسېدونکي وو او غوښتل یې چې ښار ته راشي چې د واغظ په مربوطاتو کې ډزې پرې شوې دي.))

د هغه په وينا چې په دې پېښه کې درې ملکي وګړي وژل شوي او درې نور ټپيان شوي دي.

خو د قره باغ ولسوالۍ يوه اوسېدونکي علي محمد پژواک ته وويل چې دغه کسان د قرباغ ولسوالۍ د نېختې سيمې اصلي اوسېدونکي دي چې په شېراباد سيمه کې وژل شوي دي.

دى زياتوي: ((دوى ټول اته کسان وو، اول يې له موټره ښکته کړي، بيا یې پرې ډزې کړې چې درې تنه په کې وژل شوي او پنځه نور ټپيان دي.))

په دې اړه د غزني د ولايتي شورا رييس نصيراحمد فقيري پژواک ته وويل چې له کلونو راهيسې د نېختې او شېراباد سيمو د اوسېدونکو ترمنځ ستونزې دي چې بايد حل کړاى شي.

د يادونې ده، د نېختې په سيمه کې هزارګان او د شېراباد په سيمه کې پښتانه ژوند کوي چې له څو کلونو راهيسې يې د کارېز د اوبو پر سره لانجه ده.

شاوخوا دوه کاله وړاندې د نېختې اوسېدونکو په شېراباد سيمه کې د يوې کورنۍ دوه غړي ووژل او د ښځو په ګډون يې درې نور کسان ټپيان کړل او اته تنه نور يې د څو ورځو لپاره برمته کړي وو چې بيا د حکومت د مداخلې په پايله کې راخوشي شول.

ورته راپورونه:

نظر ورکړئ

اعلانونه

Advertisement