د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په بغلان کې د يو شمېر پروژو چارې بشپړې شوې

په بغلان کې د يو شمېر پروژو چارې بشپړې شوې

Aug 18, 2019 - 17:19

پلخمري (پژواک،۲۷زمری۹۸): په بغلان ولايت کې د ٦٣ ميليونه افغانيو په لګښت د يو شمېر پروژو چارې بشپړې او د ځينو نورو د جوړېدو چارې پيل شوې.

په دې اړه د بغلان د کلیو او پراختیا ريیس انجنیر اول خان احمدزي وويل چې په ده صلاح او مرکزي بغلان ولسوالیو کې د ۱۹میلیونه افغانیو په لګښت  د لارو او څښاک پاکو اوبو ته د لاس رسي درې ټولګټې پروژې بشپړې او ګټې اخيستنې ته وسپارل شوې.

د نوموړي د معلوماتو له مخې، له دغو پروژو څخه به پنځه زره کورنۍ نېغ په نېغه ګټه پورته کوي.

دغه راز د مرکزي بغلان ولسوالۍ د قرم قول  کلي اوسېدونکي بشیراحمد وويل چې د دوى کلي له کلونو راهيسې اوبه نه درلودې، خو د دغو پروژو په تطبيق سره يې اوبه پيدا کړې.

هغه زياته کړه: (( د اوبو نه شتون زموږ ځوانان له مزدورۍ ايستلي وو ټوله ورځ به يې له نورو سيمو څخه اوبه راوړلې.))

همدارنګه د بغلان د کليو او پراختيا رييس دا هم وويل چې په بنو ولسوالۍ کې د ۴۴ میلیونه افغانیو په لګښت د ۱۲ کیلومتره سړک د جوړولو چارې پيل شوې.

هغه وايي چې د دغه سړک په جوړېدو سره به ١٨ سوه کورنيو ته د تګ راتګ اسانتياوې برابر شي.

خو د مرکزي بغلان ولسوالۍ د انکشافي شوراګانو ريیس ا حمد شاه بيا وايي چې دا کوچنۍ پروژې د یو څو کوچنیو کلیو اوسېدونکو ته اسانتياوې برابروي، حکومت بايد سترې پروژې عملي کړي.

ورته راپورونه:

نظر ورکړئ

اعلانونه

Advertisement