د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د کابل شکردره کې د نجونو د یوه ښوونځي یوه برخه سوځول شوې

د کابل شکردره کې د نجونو د یوه ښوونځي یوه برخه سوځول شوې

Aug 20, 2019 - 15:24

 

کابل (پژواک، ۲۹ زمری ۹۸): کورنیو چارو وزارت ادعا کوي چې طالبانو تېره شپه د کابل په شکردرې ولسوالۍ کې د «بوی هزاره ناصري» د نجونو ښوونځی سوځولی خو طالبانو دغه ادعا رد کړې ده.

د پوهنې وزارت په خبرپاڼه کې راغلي چې ناپېژاندو کسانو تېره شپه یوه نیمه بجه د کابل ولایت په شکردرې ولسوالۍ کې د «بوی هزاره ناصري» په نوم د نجونو د ښوونځي اداره سوځولې ده.

سرچینې زیاته کړې، تر اوسه د یادې لېسې د سوځولو لامل نه دی معلوم خو امنیتي ارګانونه یې په اړه پلټنې کوي.

په خبرپاڼه کې راغلي، په دې پېښه کې د زده کوونکو حاضري، کتابخانه، یو شمېر څوکۍ او مېزونه سوځېدلي دي.

د سرچینې د معلوماتو له مخې، په یاده لېسه کې ۷۰۰ نجونې زده کړې کوي خو نن د ښوونځي د سوځېدو له امله نه وې ورغلې.

پوهنې وزارت دغه کار غندلی او عاملان یې د پوهې او معرفت دښمنان یاد کړي، یاد وزارت د جګړې له ټولو ښکېلو لورو غوښتي چې د ښوونځیو د امنیت ساتنې په برخه کې له پوهنې وزارت سره مرسته وکړي.

خو د کورنیو چارو وزارت ویاند نصرت رحیمي وویل چې یاد ښوونځی وسله والو طالبانو سوځولی دی.

هغه زیاته کړه: ((طالبان یې اوس هم وحشت ته دوام ورکوي، عالم، انجنیر، ډاکتر او قومي مخور وژني او د علم او معرفت دروازې تړي او سوځوي یې.))

خو د طالبانو ویاند ذبېح الله مجاهد د کورنیو چارو وزارت ادعا ردوي او وايي چې طالبان د ښوونیزو مرکزونو مراقبت او ساتنه کوي نه دا چې زیان ورته ورسوي.

ورته راپورونه:

نظر ورکړئ

اعلانونه

Advertisement