د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په سمنګان کې د یوه ځوان تښتولو په تړاو درې کسان نیول شوي

په سمنګان کې د یوه ځوان تښتولو په تړاو درې کسان نیول شوي

Aug 20, 2019 - 17:09

ایبک (پژواک، ۲۹ زمری ۹۸): د سمنګان ولایت پولیس وایي چې نن یې یو ځوان تښتوونکو له بنده ژغورلی او د دې تښتونې په تړاو یې درې کسان هم نیولي دي.

د یاد ولایت د حضرت سلطان ولسوال پژواک خبري اژانس ته ویلي، نن مخکې له غرمې د تښتوونکو یوې ډلې د حکمت الله په نوم یو ځوان د دې ولسوالۍ د کوکجر له کلي تښتولی و.

د هغه په خبره چې پولیس د پېښې له خبرېدو وروسته سمدستي لاس په کار شول او د سمنګان د مرکز ایبک په بوري نل سیمه کې یې حکمت الله د تښتوونکو له منګولو راخوشی کړ.

د هغه په خبره، له نیول شوو یادو درېیو کسانو یو یې د بغلان او دوه نور د سمنګان د حضرت سلطان ولسوالۍ اوسېدونکي دي چې یو میل وسله هم ترې نیول شوې ده.

هغه ويلي، د دوی دوه نور ملګري چې یو یې ډلمشر دی، په تېښته بریالي شوي خو وايي چې د هغوی پلټنه هم روانه ده.

ولسوال زیاته کړه چې د حکمت الله د تښتونې په تړاو نیول شوي کس پر خپل جرم اعتراف کړی او ويلي یې دي چې حکمت الله یې د پیسو ترلاسه کولو لپاره وړی و.

ورته راپورونه:

نظر ورکړئ

اعلانونه

Advertisement