ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

سرپل کې د رایې اچونې ۵۴ سلنه مرکزونه به د ناامنۍ له امله غیر فعال وي

سرپل کې د رایې اچونې ۵۴ سلنه مرکزونه به د ناامنۍ له امله غیر فعال وي

author avatar
21 Aug 2019 - 16:52
سرپل کې د رایې اچونې ۵۴ سلنه مرکزونه به د ناامنۍ له امله غیر فعال وي
author avatar
21 Aug 2019 - 16:52

سرپل (پژواک، ٣٠ زمری ٩٨): په سرپل ولایت کې د امنیتي ستونزو له امله د رایې اچونې له ټولو ۱۴۹ مرکزونو څخه په ۸۱ مرکزونو کې ټاکنې نه ترسره کېږي.

په سرپل ولایت کې د ټاکنو کمېسیون رییس مرتضی عالمي زاده نن په یوه خبرې ناسته کې د دغه مطلب ترڅنګ وویل چې د ولسي جرګې په ټاکنو کې هم په دغه ولایت کې د رایې ورکونې له ټولو ۱۴۹ مرکزونو څخه په ۷۱ مرکزونو کې ټاکنې ترسره شوې وې.

خو عالمي زاده په ټینګار سره وویل چې د ټاکنو د روڼتیا لپاره لازم تدابیر نیول شوي دي.

په ورته وخت کې د سرپل د امنیې قوماندنۍ د امنیت امر عبدالصبور وویل، پولیس د ټاکنو لپاره د ښه امنیت ساتنې هڅه کوي.

د عالمي زاده د معلوماتو له مخې، په سرپل کې له ۱۳۹ زرو څخه ډېرو کسانو په ټاکنو کې د ګډون لپاره نوم لیکنه کړې ده. په هېواد کې د رایې ورکونې په ځینو نورو مرکزونو کې هم د ناامنۍ له امله د ولسمشرۍ ټاکنو د نه ترسره کېدو خبر ورکړل شوی دی.

د ټاکنو کمېسیون د معلوماتو له مخې، په ټولو هېواد کې به شاوخوا ۹.۶ میلیون کسانو د رایې ورکونې په ۵۳۷۳ مرکزونو او ۲۹۵۸۶ محلونو کې رایې ورکړي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.