د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"د کاپیسا په تګاب کې د طالبانو نظامي مسوول نیول شوی"

"د کاپیسا په تګاب کې د طالبانو نظامي مسوول نیول شوی"

Aug 22, 2019 - 16:49

 

چاریکار (پژواک، ۳۱ زمری ۹۸): د کاپیسا امنیې قوماندانۍ خبر ورکړی چې د تګاب ولسوالۍ لپاره د طالبانو نظامي مسوول د ماین خښولو پر مهال نیول شوی دی.

د کاپیسا د امنیې قوماندانۍ مطبوعاتي مسوول عبدالشایق شورش پژواک ته وویل، نن سهار د تګاب ولسوالۍ د امنیې قوماندانۍ پولیسو د دې ولسوالۍ لپاره د طالبانو نظامي مسوول نیولی دی.

هغه زیاته کړه چې یاد کس د تګاب ولسوالۍ په شینکي کلي کې د ماین خښولو پر مهال نیول شوی دی.

شورش د طالبانو د نظامي مسوول نوم سید محمد یاد کړ او ویې ویل، نوموړی په یاده ولسوالۍ کې د طالبانو یو مهم غړی دی چې د ماین جوړونې مسوولیت یې پر غاړه و.

د کاپیسا د امنیې قوماندانۍ د مطبوعاتي مسوول په خبره، دغه کس غوښتل چې دغه ماین امنیتي سرتېري ته خښ کړي.

هغه دغه راز وویل، نیول شوي کس په څو تروریستي قضیو تورن دی.

بلخوا طالبانو تر اوسه په دې تړاو څه نه دي ویلي.

تګاب د کاپیسا ناامنه ولسوالي ده چې طالبان په کې فعالیت کوي.

ورته راپورونه:

نظر ورکړئ

اعلانونه

Advertisement