د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د سږنيو راستنو افغان کډوالو ٩٢ سلنه هغه کسان دي چې له ايرانه هېواد ته راستانه شوي دي

د سږنيو راستنو افغان کډوالو ٩٢ سلنه هغه کسان دي چې له ايرانه هېواد ته راستانه شوي دي

Aug 23, 2019 - 16:04

کابل (پژواک، د زمري لومړې نېټه ٩٨): د کډوالۍ نړیواله اداره وايي روان ميلادي کال کې له بېلابېلو هېوادونو څه باندې ٣٠٠ زره افغان کډوال هېواد ته راستانه شوي او له دې ډلې نږدې ٧٠ زره په زور ايستل شوي دي.

د کډوالۍ نړیوال سازمان (IOM) نن (د زمري لومړۍ نېټه) په خپل راپور کې ويلي چې د روان ميلادي کال له جنورې تر اوسه ١٢٤ زره او ۶۹۶ افغان کډوال له ایران څخه په خپله خوښه خپل هېواد ته ستانه شوي، خو ١٥٨ زره او ٧٧١ نور بيا په زور له ايران څخه ايستل شوي دي.

د کډوالو نړیوال سازمان د معلوماتو له مخې، د روان میلادي کال له پیل څخه تر اوسه له پاکستان څخه نږدې ١٤٠٠٠ افغان کډوال افغانستان ته ستانه شوي او له دې ډلې نږدې ٢٥٠٠ يې په زور ايستل شوي دي.

د سرچينې د معلوماتو له مخې، له ترکيې څخه هم په روان ميلادي کال کې ۳۶۹ افغان کډوال په خپله خوښه خپل هېواد ته ستانه شوي خو څه باندې ٧٩٠٠ يې په زور له دغه هېواد څخه ايستل شوي دي.

دغه راز د سرچينې د څرګندونو له مخې، روان کال له اروپايي هېوادونو څه باندې ١١٠٠ افغان کډوال افغانستان ته ستانه شوي او له دغې ډلې٤٧٠ يې د کډوالۍ نړيوالې ادارې په ملاتړ او پاتې نور د دغې ادارې له ملاتړ پرته خپل هېواد ته ستانه شوي دي.  

نښه: 

ورته راپورونه:

نظر ورکړئ

اعلانونه

Advertisement