د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د والي وياند: د ننګرهارخوږياڼو کې ۱۳ طالبانو او پنځو پوليسو ته مرګ ژوبله اوښتې

د والي وياند: د ننګرهارخوږياڼو کې ۱۳ طالبانو او پنځو پوليسو ته مرګ ژوبله اوښتې

Aug 23, 2019 - 12:27

جلال اباد (پژواک، د وږي لومړۍ نېټه، ۹۸): ځايي چارواکي وايي، د ننگرهار خوږياڼو ولسوالۍ کې د سيمه ييزو پوليسو او وسله والو طالبانو ترمنځ نښته کې له دواړو لوريو ۱۸ کسانو ته مرګ ژوبله اوښتې ده.

د ننګرهار د والي وياند عطاء الله خوږياڼي پژواک خبري اژانس ته وويل چې وسله والو طالبانو تېره شپه د خوږياڼو ولسوالۍ د غازي اباد سيمې د سيمه ييزو پوليسو پر پوسته ډله ييز بريد وکړ.

د هغه په وينا، وروسته د امنيتي ځواکونو او وسله والو مخالفينو ترمنځ سخته نښته وشوه او دواړه لوريو ته مرګ ژوبله واوښته.

د ده په وينا، په نښته کې پنځه طالبان وژل شوي او ۸ نور ټپيان دي او دغه راز درې پوليس هم وژل شوي او دوه نور ټپيان شوي دي.

دى وايي، د وژل شويو طالبانو مړي د جګړې په ډګر کې پاتې دي او اوس له امنيتي ځواکونو سره دي.

د سيمې يو اوسېدونکى چې نه غواړي نوم يې څرګند شي وايي، نښته د ولسوالۍ په پنځه سوه مترۍ کې شوې او د پوليسو له منځه د وسله والو طالبانو يو ارتباطى کس هم له طالبانو سره تللی او ځينې وسلې يې هم وړې دي، خو د ننګرهار ځايي چارواکي په دې اړه څه نه وايي.

وسله والو طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement