ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

کندوز کې څو اوباشانو د یوه ښوونځي ښیښې او لوحه مات کړي

کندوز کې څو اوباشانو د یوه ښوونځي ښیښې او لوحه مات کړي

author avatar
25 Aug 2019 - 15:18
کندوز کې څو اوباشانو د یوه ښوونځي ښیښې او لوحه مات کړي
author avatar
25 Aug 2019 - 15:18

کندوز ښار (پژواک، ٣ وږى ٩٨): د کندوز سيمه ييز چارواکي وايي چې يو شمېر اوباشانو او کوڅه ډبو کسانو د امام صاحب په بندر کې د يوه ښوونځي ښيښې او دروازې ماتې کړې او لوحه يې ور ماته کړې ده.

د کندوز د پوهنې رييس نجيب الله ثاقب د وږي په درېيمه پژواک خبري اژانس ته وويل چې تېره شپه ناوخته يو شمېر کوڅه ډبو او لنډغرو کسانو د امام صاحب په بندر په سيمه کې د کهندژ لېسې ښيښې او دروازې ماتې کړې او لوحه يې هم ور ماته کړې ده.

دى وايي چې دغه موضوع يې له امنيتي ارګانونو سره شريکه کړې ده څو عاملين يې پيدا کړي.

دغه راز د همدې سيمې يو اوسېدونکي حبيب الله پژواک ته وويل: ((څه موده وړاندې دې لېسې ته يوه نوې لوحه راوړل شوه وه چې يواځې پښتو په کې ليکنه شوې وه، نو دا چې بېګاه له دې ښوونځي سره دغه شان عمل شوى دى، امکان لري چې د همدې لوحې تاثير وي.))

بل لور ته د کندوز د امنيې قوماندانۍ وياند سرور حيسني هم دغه پېښه تاييدوي او وايي چې پوليسو تر اوسه د دې پېښې په تور يو کس نيولی او د نورو د نيولو لپاره هم جدي هلې ځلې روانې دي.

د يادونې ده، د امام صاحب بندر د کندوز ښار په يو کيلومټرۍ کې پرته سيمه ده.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.