د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

لوی مالیه ورکوونکي شرکتونه به له دې وروسته د برېښنايي سیستم له لارې مالیه ورکوي

لوی مالیه ورکوونکي شرکتونه به له دې وروسته د برېښنايي سیستم له لارې مالیه ورکوي

Aug 26, 2019 - 15:39

کندهار (پژواک، ۴ وږی ۹۸): د مالیې وزارت چارواکي وايي، له دې وروسته به لوی مالیه ورکوونکي شرکتونه د برېښنايي سیستم له لارې مالیه ورکوي.

په دې اړه نن د مالیې وزارت اړوند د لویو مالیه ورکوونکو برخې مسوول نېک محمد محبي او د پالیسۍ برخې د مسوول نصرالله دراني په مشرۍ یوه پلاوي کندهار ته سفر وکړ او له والي حیات الله حیات او مستوفي احسان الله نوري سره یې ولیدل.

محبي وویل، د مالیې وزارت د نوې کړنلارې له مخې هغه شرکتونه چې د مالیې ورکونې دورانیه یې له ۱۵۰ میلیونه افغانيو اوړي، په الکترونیکي بڼه خپله مالیه ورکوي او خپل حسابونه به تصفیه کوي.

هغه د دې کړنلارې په اړه والي او مستوفي ته معلومات ورکړل او ویې ویل، په دې توګه د مالیې ورکولو پروسه اسانه کېږي، په کارونو او چارو کې چټکتیا راځي او د فساد مخنیوی کېږي.

د ده په خبره، په دې توګه به په مالیه ورکولو کې روڼتیا رامنځته شي او د دولت د عوایدو کچه هم لوړېږي.

د کندهار والي حیات الله حیات د مالیې ورکونې د نوې تګلارې هرکلی وکړ او ویې ویل، د دې کړنلارې په ښې پلي کېدا سره به د فساد او له عوایدو د تېښتې مخنیوی وشي.

هغه زیاته کړه، ولایتي ادارې له قانون سره سم په پوره روڼتیا د عوایدو راټولولو هڅې پیل کړې او په دې برخه کې یې له فساد سره مبارزه پیل کړې ده.

ده یادونه وکړه چې د عوایدو په برخه کې د روڼتیا او فساد د مخنیوي په موخه به ټولې هغه پرېکړې عملي کوي چې مرکزي دولت یې غوښتنه کوي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan