د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ننګرهار کې د موټرو د ټکر له امله اوو کسانو ته مرګ ژوبله اوښتې

ننګرهار کې د موټرو د ټکر له امله اوو کسانو ته مرګ ژوبله اوښتې

Aug 26, 2019 - 14:28

جلال اباد (پژواک، ۴ وږی ۹۸): د ننګرهار د مومنددرې ولسوالۍ اړوند د جلال اباد- تورخم پر لويه لاره د ترافيکي پېښې له امله اوو ملکي وګړو ته مرګ ژوبله اوښتې ده.

د ننګرهار د والي وياند عطاءالله خوږياڼي د وږي په ۴مه پژواک اژانس ته وويل، نن سهار شاوخوا لس بجې او دېرش دقيقې د مومنددرې ولسوالۍ اړوند په غزګي سيمه کې د جلال اباد- تورخم پر لاره د کرولا او هایلکس موټرو ترمنځ ټکر شوی دی.

دی وايي چې په دې پېښه کې څلور کسان مړه شوي او درې نور ټپیان دي.

هغه زیاتوی چې ټپیان د درملنې په موخه روغتون ته انتقال شوي دي.

د نوموړي د معلوماتو له مخې، کرولا موټر تورخم او هایلکس جلال اباد ته پر لاره وو چې ياده پېښه رامنځته شوه.

دی زياتوي، د دې پېښې له امله په کرولا موټر کې د يوې مېرمنې او موټر چلوونکي په ګډون څلور کسان مړه شوي دي.

خوږياڼي وويل، همدا راز په هایلکس ډوله موټر کې د موټر چلوونکي په ګډون درې کسان ټپيان شوي چې د درملنې په موخه د جلال اباد حوزوي روغتون ته لېږدول شوي دي.

د والي وياند وايي، پېښه د موټر چلوونکو د بې احتياطۍ له امله رامنځته شوې ده.

ورته راپورونه:

نظر ورکړئ

اعلانونه

Advertisement