ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

هلمند کې څه باندې ٢٤ زره ټنه انار شوي

هلمند کې څه باندې ٢٤ زره ټنه انار شوي

author avatar
27 Aug 2019 - 11:34
هلمند کې څه باندې ٢٤ زره ټنه انار شوي
author avatar
27 Aug 2019 - 11:34

لښکرګاه (پژواک، ٥ وږى ٩٨): د هلمند د کرنې رياست مسوولين وايي چې په دغه ولايت کې د انارو ١٧ ډولونو ښې پايلې او حاصلات درلودل چې ترې څه باندې ٢٤ زره ټنه انار ترلاسه شوي دي.

خو بل لورته بيا بڼوال شکايت کوي چې د انارو د روزلو په برخه کې حکومت له دوى سره اړينه همکاري نه ده کړې.

د دغو بڼوالو له ډلې څخه د نادعلي ولسوالۍ اوسېدونکي ګلاب شاه د وږي په پنځمه پژواک خبري اژانس ته وويل چې په لس جريبه ځمکه کې يې د انارو ونې ايښې دي.

هغه وايي: ((ډېر حاصل مو ترې ترلاسه کړى، خو څه وکړو چې هېڅ بازار نه لري، حکومت نه په دې او نه هم د روزلو په برخه کې يې همکاري کوي.))

دغه راز په دغه ولايت کې د مېوه لرونکو کسانو ټولنې مشر احمد شاه پژواک ته وويل چې په دغه ولايت کې د انارو ٣٠ ډولونه تجربه شوي چې ١٧ يې ښه حاصلات ورکړي دي.

ده وويل: ((که حکومت په دغه برخه کې همکاري وکړي، نو هلمند به د انارو د حاصلاتو د توليد يو لوى مرکز وي.))

په دې اړه د هلمند د کرنې رييس زلمي الکو پژواک ته وويل چې د دغه ولايت په ١١٦٥ هکتاره ځمکه د انارو باغونه جوړ شوي چې سږکال ترې ٢٤٤٦٥ ټنه انار ترلاسه شوي دي.

الکو زياته کړه: ((د انارو لپاره پر بازار موندنې کار روان دى، موږ کوښښ کوو چې په هلمند او نورو ولايتونو کې د انارو د توليداتو لپاره بازار پيدا کړو.))

د يادونې ده چې تېرکال د هلمند د انارو له باغونو څخه شاوخوا ٢١ زره ټنه انار ترلاسه شوي وو.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.