د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امنيتي ځواکونو د فارياب د قرغان ولسوالۍ بېرته ونيوله

امنيتي ځواکونو د فارياب د قرغان ولسوالۍ بېرته ونيوله

Aug 30, 2019 - 11:49

میمنه(پژواک،۸  وږى ۹۸): د فارياب د قرغان ولسوالۍ له درې ورځو وروسته بېرته امنيتي ځواکونو له وسله والو طالبانو څخه ونيوله .

درې ورځې مخکې دغه ولسوالۍ وسله والو طالبانونيولې وه .

د فارياب د پوليسو مطبوعاتي مسوول عبدالکریم یورش پژواک اژانس ته وويل چې د افغان ځواکونو د ګډو عملياتو پرمهال  ياده ولسوالۍ په بشپړه توګه له وسله والو طالبانو ونيول شوه .

ياد عمليات تېره ورځ له يوولسو بجو پيل او د ماسپښين  تر درې بجو يې دوام درلود.

 د نوموړي په خبره ، چې ددې عملياتو پرمهال  د ملاخنجر په ګډون پنځه وسله وال طالبان وژل شوي او اووه نور ټپيان دي.

د سرچينې په خبره چې په دې عملياتو کې ملکي وګړو ته زيان نه دى اوښتى .

د يوبل خبر له مخې، د بلخ  په کشندې ولسوالۍ کې يو پوليس وژل او پنځه نور ټپيان دي.

د سمنګان  د دره صوف ولسوال عبدالیقین احمدي پژواک ته وويل چې د امنيتي ځواکونو هغه کاروان چې له بلخ ولايت څخه سمنګان ته پر لاره و ، د کشندې ولسوالۍ د ريګي په کوتل کې د وسله والو تر بريد لاندې راغى، چې په ترڅ کې يې يو پوليس وژل شوى او پنځه نور ټپيان دي.   

هغه زياته کړه چې وسله والو  د پوليسو يو بار وړونکى موټر او يو هاموې ټانک هم بيولي دي، خو د امنيتي ځواکونو د هوايي بريد پرمهال د امنيتي ځواکونو دوه موټر چې وسله والو له ځان  بيولي و له منځه وړي او څلور طالبان يې وژلي دي.

 وسله والو طالبانو تراوسه پورې په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement