د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امنیتي مسوولین د کندوز د امنیه قوماندان روغتیايي وضعیت د ډاډ وړ ښيي

روغتیا

ارشيف

امنیتي مسوولین د کندوز د امنیه قوماندان روغتیايي وضعیت د ډاډ وړ ښيي

Sep 02, 2019 - 16:38

کندوز ښار (پژواک، ١٢ وږى ٩٨): د کندوز امنيتي مسوولين وايي چې د دغه ولايت د امنيه قوماندان روغتيايي وضعيت تر پخوا شوی او دا مهال د بګرام هوايي ډګر په روغتون کې تر درملنې لاندى دى.

د تېرې شنبې په شپه وسله والو طالبانو پر کندوز ښار ډله ييز بريدونه وکړل چې ماښام مهال يې د کندوز امنيه قوماندان له نورو کسانو سره د وضعيت د کنټرول لپاره ښار ته وتلى و چې ځانمرګى بريد پرې وشو.

په دغه بريد کې د کندوز امنيه قوماندان سمونوال منظور ستانکزى ټپي شو او ٢٠ نورو کسانو ته په کې مرګ ژوبله واوښته.

د کندوز د ملي امنيت رييس جنرال سيد اميرشاه سادات د وږي په ١١مه پژواک خبري اژانس ته وويل چې د سمونوال منظور ستانکزي روغتيايي وضعيت د ډاډ وړ دى.

هغه زياته کړه: ((موږ ته ويل شوي چې د قوماندان صاحب وضعيت ښه دى او له يوې مياشتې وروسته به بېرته دندې ته راستون شي.))

په ورته وخت کې د کندوز د امنيې قوماندان ياور محمد علي پژواک ته وويل چې د قوماندان کيڼ لاس ډېره ضربه ليدلې ده او دا مهال د بګرام په هوايي ډګر کې تر درملنې لاندى دى.

هغه وويل: ((پرون يې جراحي عمليات ترسره شوي، اوس يې وضعيت د پخوا په پرتله ډېر ښه شوى دى.))

دا په دا سې حال کې ده چې نن له غرمې وروسته شاوخوا درې بجې د کندوز ښار د کابل بندر په سيمه کې د پوليسو د لويو لارو د ساتنې پر قطعې ځانمرګى بريد وشو چې لسګونو کسانو ته په کې مرګ ژوبله اوښتې ده.

ورته راپورونه:

نظر ورکړئ

اعلانونه

Advertisement