د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

افغانستان د بنګله دېش پر وړاندې ټسټ لوبه کې برلاسى دى

افغانستان د بنګله دېش پر وړاندې ټسټ لوبه کې برلاسى دى

Sep 07, 2019 - 17:46

کابل (پژواک، ١٦ وږى ٩٨): افغانستان د بنګله دېش پر وړاندې د کرکټ روانه ټسټ لوبه کې برلاسى او د ګټلو چانس يې ډېر شوى دى.

د دې پنځه ورځنۍ لوبې پچه  افغانستان ګټلې  او لومړى يې د توپوهنې پرېکړه کړې وه.

د افغانستان ملي لوبډلې د دې لوبې په لومړي اننګز کې د لسو لوبغاړو په سوځېدو سره ٣٤٢ منډې جوړې کړې؛  د افغانستان له لوري رحمت شاه ١٠٢، اصغر افغان ٩٢، راشد خان ٥٢، افسر ځاځي ٤١ او ابراهيم ځدراڼ د پام وړ ٢١ منډې جوړې کړې.

د بنګله دېش لوبډلې د راشد خان د ښې توپ اچونې له امله ٢٠٥ منډې جوړې کړې؛ راشد خان ٥، محمد نبي، يمين او قيس احمد يو يو لوبغاړي وسوځول.

دغه راز په لومړي اننګز کې افغانستان پر بنګله دېش ١٣٧ منډې زياتې کړې.

افغانستان نن د ورځې د لوبې تر پايه پورې په خپل دويم اننګز کې د اتو لوبغاړو په سوځېدو سره ٢٣٧ منډې جوړکړې او اته لوبغاړي يې سوځېدلي، په دويم اننګز کې ابراهيم ځدراڼ په زړه پورې  لوبه وکړه او ٨٧ منډې يې جوړې کړې،  دغه راز اصغر افغان هم يو ځل بيا پنځوسيزه ووهله او په ٥٠ منډې يې جوړې کړې.

افسر ځاځى په ٣٤ او يمين احمدزى په صفر ناسوځېدلي پاتې دي. د افغانستان ټولې منډې ٣٧٤ شوې او دوه لوبغاړي يې لاپاتې دي.

افغانستان به اوس بنګله دېش ته هدف ورکوي او بنګله دېش د دې هدف ترلاسه کولو لپاره دوه ورځې لري او افغان  توپ اچوونکي به يې د سوځولو هڅه کوي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan