د پژواک خدمتونه

د انځورونو څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

​هندي شرکت د افغان غوره ليګ په تړاو د افغانستان د کرکټ بورډ تورونه رد کړي

​هندي شرکت د افغان غوره ليګ په تړاو د افغانستان د کرکټ بورډ تورونه رد کړي

Sep 14, 2019 - 17:13

کابل (پژواک، ٢٣ وږى ٩٨): د سنېکسر سپورټس په نوم یوه هندي شرکت د افغان غوره ليګ په تړاو د افغانستان کرکټ بورډ تورونه رد کړي دي.

د افغانستان کرکټ غوره ليګ ٢٠ اوريزې سيالۍ تېر کال د لومړي ځل لپاره په متحده عربي اماراتو کې ترسره شوې. د دې سياليو ترسره کولو قرارداد د سنېکسر سپورټس په نامه له یوه هندي شرکت سره شوى و.

خو د افغانستان کرکټ بورډ دوه ورځې مخکې د يوې خبرپاڼې له لارې د دغه ليګ لغوه کولو او په هغه ې د فساد قضيه څارنوالۍ ته د استولو اعلان وکړ.

د کرکټ بورډ له خوا په يوه خپره شوې خبرپاڼه کې راغلي چې له سنکسر کمپنۍ سره ياد قرارداد د تېر کال د کلني فيس د نه ورکړې او د ليګ چارو په روڼتيا کې د شته اندېښنو له امله فسخ شوى دى.

سرچينې زياته کړې، د قرارداد پر بنسټ ټاکل شوې وه چې سنېکسر سپورټس به د افغانستان کرکټ بورډ ته د ليګ د لومړي پړاو ټول فيس د ليګ له پای ته رسېدو ۱۵ ورځې وروسته ورکوي چې د نهو میاشتو په تېرېدو سره يې بيا هم نه دی ورکړى.

کرکټ بورډ وايي، له یادې کمپنۍ سره د قرارداد د فسخې شرایطو پر بنسټ، بورډ دا حق لري چې د پورته سرغړونو له امله قرارداد فسخ اعلان کړي.

خو د هندي شرکت له خوا د وږي په ٢٣مه په خپل فېسبوک کې د يوې خبرپاڼې په خپرولو سره د کرکټ بورډ له خوا لګول شوي یاد تورونه رد کړي دي.

په خبرپاڼه کې راغلي: ((زموږ له خوا له قرارداده هېڅ ډول سرغړونه نه ده شوې، د افغان غوره ليګ له ټولو چارو څخه د کرکټ نړيواله شورا (اى سي سي) خبره ده.))

هندي شرکت ويلي چې دوى د افغانستان غوره ليګ د بريا لپاره هڅې کړې دي او په راتلونکي کې به يې هم  کوي.

سرچينې د افغانستان کرکټ بورډ دا ډول تورونه غندلي دي.

څه موده مخکې پژواک خبري اژانس داسې اسناد ترلاسه کړي وو چې د کرکټ نړيوالې شورا د افغانستان کرکټ بورډ ته د غوره ليګ سياليو د فساد د لسو مواردو په اړه يوه مکتوب لېږلى و.

په خبرپاڼه کې راغلي، د افغانستان کرکټ بورډ اداره د فساد پر وړاندې مبارزې ته لومړیتوب ورکوي او د روڼتیا په ډګر کې ځان د خپلو هېوادوالو پوښتنو ته ځواب ویونکی بولي.

ورته راپورونه:

نظر ورکړئ

اعلانونه

Advertisement